गारगोटी (कोल्हापूर): झुलपेवाडी येथील चिकोत्रा धरणाकडे येणाऱ्या पाण्याचे मार्ग वाढविण्यासाठी दिंडेवाडी गावाच्या डोंगरावरील भावेश्वरी मंदिरापासून चर काढून पाणी धरण साठ्यात सोडण्यात येणार आहे. त्यामुळे धरणाची जलपातळी वाढणार असून त्याचा लाभ शेजारच्या गावांना मिळणार आहे.
चिकोत्रा धरणक्षेत्रात पावसाची कमतरता व पाणी वाहून आणण्यासाठी कमी जलवाहिन्या यामुळेच धरण बांधल्यापासून केवळ दोनवेळा हे धरण भरले होते. आजपर्यंत ४५ ते ५० टक्के धरण भरते. त्यामुळेच या धरणाखाली येणाऱ्या भिजक्षेत्रातील पिके पाण्याविना सुकून जातात. हे धरण भरण्यासाठी म्हातारीच्या पठारावर वनबंधारा बांधून तो बंधारा भरल्यानंतर पाणी या धरणाकडे वळविण्यात आले होते. परंतु, मेघोली ग्रामस्थांच्या भात रोप लावणीसाठी अडचणी निर्माण झाल्यामुळे या पाण्यावरून वाद निर्माण झाला. शेवटी तडजोडीअंती दोन्ही बाजूला निम्मे-निम्मे पाणी
लावण्यात आले. त्यामुळे भुदरगड पंचायत समिती माजी उपसभापती विश्वनाथ कुंभार यांच्या प्रयत्नांतून आमदार हसन मुश्रीफ यांच्या निधीतून दिंडेवाडी गावाच्या पूर्वेला डोंगरावर असलेल्या भावेश्वरी मंदिराच्या परिसरातून सुमारे अडीच कि.मी. चर मारून तेथून पाणी या धरणात सोडण्यात येणार आहे. नुकताच या कामाचा शुभारंभ करण्यात आला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
