- भारतीय न्यायव्यवस्थेच्या इतिहासातील अभूतपूर्व घटना
अक्षय कदम/ वृत्तसंस्था
नवी दिल्ली – आज सुप्रीम कोर्टाने एक अभूतपूर्व निकाल दिला, कोलकाता उच्च न्यायालयाचे विदयमान न्यायाधीश सी एस कर्णन यांच्याविरोधात कोर्टाच्या अवमान प्रकरणी सुप्रीम कोर्टाने जामिनपात्र गुन्हा दाखल केला असून 31 मार्चपूर्वी हजर राहण्याचे आदेश दिले.
भारतीय न्यायव्यवस्थेच्या इतिहासातील ही पहिली घटना म्हणावी लागेल जिथे चक्क उच्च न्यायालयाच्या न्यायाधीशांवरच न्यायालयाच्या आदेशाचा अवमान केल्याप्रकरणी गुन्हा दाखल झाला आहे. मुख्य न्यायाधीश जे.एस. खेहार यांच्या अध्यक्षतेखालील सात न्यायाधीशांच्या पीठाने कर्णन यांच्याअनुपस्थितीत विरोधात पश्चिम बंगालचे पोलिस महासंचालक यांना पत्र पाठवून कर्णन यांना 31 मार्च रोजी सुप्रिम कोर्टात हजर राहण्यास सांगितले आहे. यासंदर्भात सात सदस्यीय पीठाने मुख्य न्यायाधीशांसोबत 15 मिनिटे चर्चा करून पुढील कारवाईबाबतचा निर्णय घेतला. कर्णन यांनी संबंधित न्यायाधीशांबाबत केलेले आरोप गंभीर स्वरूपाचे आहेत. यासंदर्भात कर्णन यांनी फॅक्स केलेले पत्र त्यांची बाजू म्हणून ग्राह्य धरण्यास नकार देण्यात आला असून कर्णन यांना प्रत्यक्ष उपस्थित राहण्याचे आदेश देण्यात आले होते. अॅटर्नी जनरल मुकुल रोहतगी यांनी सांगितले की, न्यायाधीश कर्णन यांनी सर्वोच्च न्यायालयाच्या आदेशाचा अवमान केला असल्याने त्यांच्याविरोधात ही कारवाई करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
