नवी दिल्ली – दक्षिण दिल्लीतल्या रूपानगर इथं एका 21 वर्षीय तरूणीनं आत्महत्या केलीय. या तरूणीच्या जुन्या प्रियकराने तरूणीचा व्हिडिओ लिक कऱण्याची धमकी दिली होती. त्यामुळं या तरूणीनं आत्महत्या केल्याची संतापजनक घटना उघडकीस आली आहे. ही तरूणी दिल्ली विद्यापीठाची विद्यार्थीनी होती.
आत्महत्येपूर्वी तरुणीने एक चिठ्ठी लिहिली आहे. या चिठ्ठीच्या आधारावरच पोलिस पुढील तपास करत आहेत. या चिठ्ठीत तिने आपल्या आत्महत्येला जुना प्रियकर जबाबदार असल्याचे लिहिले आहे. “घरच्यांना सोडून माझ्यासोबत आली नाही, तर तुझे फोटो आणि व्हिडिओ ऑनलाईन लिक करेल’ अशी धमकी दिल्याचा दावा तरुणीने चिठ्ठीत केला आहे. तिने मोडल टाऊन पोलिस स्थानकात तिच्या जुन्या प्रियकराविरुद्ध बलात्काराची तक्रार केली होती. मात्र त्यावर पोलिसांनी काहीही कारवाई केली नसल्याचा दावा तिच्या कुटुंबियांनी केला आहे.
एका वरिष्ठ पोलिस अधिकाऱ्याने दिलेल्या माहितीनुसार ज्या दिवशी तरुणीने (8 एप्रिल) तक्रार केली होती, त्याचदिवशी तिने आत्महत्या केली आहे. तरुणीचा जुना प्रियकर हा पाटना येथील असून त्याला ताब्यात घेण्यासाठी पोलिसांचे पथक रवाना झाले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
