नवी दिल्ली | मुलांना शाळेत प्रवेश घेताना कुठल्याही शैक्षणिक संस्थेने त्यांच्या पालकांकडे आधार कार्ड मागू नये. कारण शाळेच्या प्रवेशासाठी आधार कार्ड सक्तीचे करण्यात आलेले नाही. जर कुणी आधार कार्ड मागत असेल तर ते सर्वोच्च न्यायालयाच्या आदेशाचे उल्लंघन होईल आणि संबंधित शैक्षणिक संस्थांवर कारवाई करण्यात येईल,असा इशाराच ‘यूआयडीएआय’ अर्थात भारतीय विशिष्ट ओळख प्राधिकरणाने दिला आहे.
नवी दिल्लीत सध्या खासगी शाळांमध्ये नर्सरीसाठी दीड हजार मुलांची प्रवेश प्रक्रिया सुरू झाली आहे. त्यामुळे यूआयडीएआयने हा इशारा दिला आहे. अनेक शाळा मुलांना प्रवेश देताना आधार कार्ड सादर करण्याची सक्ती करत असल्याच्या अनेक तक्रारी आल्या होत्या. या पार्श्वभूमीवर यूआयडीएआयने हे स्पष्टीकरण दिले आहे. आधार कार्ड बँक खाते, मोबाईल सेवा किंवा शाळा प्रवेशासाठी सक्तीचे करता येणार नाही, असे आदेश सर्वोच्च न्यायालयाने सप्टेंबरमध्येच स्पष्ट केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
