नवी दिल्ली | सीपीएमचे महासचिव सीताराम यचुरी यांचा जेष्ठ पुत्र आशिष यचुरी यांचं कोरोनामुळे निधन झालंय. गुरुवारी सकाळी गुडगावमधील खासगी रुग्णालयात त्यांनी अखेरचा श्वास घेतला. सिताराम यचुरी यांनी एक ट्विट करत ही दु:खद बातमी दिली आहे.
२ आठवड्यांपूर्वी आशिष यचुरी यांना कोरोनाची लागण झाली होती. त्यानंतर उपचारांसाठी त्यांना मेदांता रुग्णालयात दाखल करण्यात आलं होतं. मेदांता हॉस्पीटलमध्ये उपचार घेत असताना आशिष यांच्या प्रकृतीत सुधारणा होत होती. मात्र पहाटे आशिषच्या अचानक जाण्याने सर्वांनाच मोठा धक्का बसल्याचं जवळच्या नातेवाईकांनी सांगितलं आहे.
It is with great sadness that I have to inform that I lost my elder son, Ashish Yechury to COVID-19 this morning. I want to thank all those who gave us hope and who treated him – doctors, nurses, frontline health workers, sanitation workers and innumerable others who stood by us.
— Sitaram Yechury (@SitaramYechury) April 22, 2021
सीताराम यचुरी यांनी ट्वीट करत मुलाच्या निधनाची दु:खद बातमी दिली आहे. ”मला हे सांगताना खूप दु:ख होत आहे की माझा मोठा मुलगा आशिष यचुरी याचं करोनामुळे निधन झालं आहे. ज्यांनी आम्हाला एक आशा दिली, ज्यांनी त्याच्यावर उपचार केले त्या डॉक्टरांचे, परिचारिका, आरोग्य कर्मचारी, स्वच्छता कामगार आणि आमच्या पाठीशी उभं राहणाऱ्या सर्वांचे मी आभार मानतो,”असं ट्वीट त्यांनी केलं आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
