HW News Marathi
Covid-19

आम्ही कधीही कोरोनावर औषध तयार केल्याचा दावा केला नव्हता, पतंजलीचा यू-टर्न

मुंबई | संपूर्ण जगभरात कोरोनावर लस शोधण्याचे काम युद्धपातळीवर सुरू आहे. तर भारतात योग गुरू रामदेव बाबा यांच्या पतंजलीने कोरोनिल नावाचे आयुर्वेदिक औषध लॉन्च केले होते. औषधामुळे कोरोनाचे रुग्ण १०० टक्के बरा होण्याचा दावा रामदेव बाबा यांनी केला होता. या औषधाच्या लॉन्चनंतर अवघ्या काही तासात जाहिरातीवर आयुष विभागाकडून बंदी घालण्यात आली होती. यानंतर देशातील विविध राज्यांनी पतंजलीच्या औषध विक्रीवर बंदी घातली होती. यानंतर आता मात्र, आम्ही कधीही कोरोनावरील औषध तयार केल्याचा दावा केला नव्हता, कोरोना रुग्ण बरे होतील, असा म्हणत पतंजली आयुर्वेदचे अध्यक्ष आचार्य बाळकृष्ण यांनी यू-टर्न घेतला आहे.

आचार्य बाळकृष्ण म्हणाले, ‘क्लिनिकल ट्रायल केल्यानंतर जो निष्कर्ष आला तो आम्ही संपूर्ण देशाला सांगितला. आम्ही असे म्हणालो नाही की, हे औषध कोरोनावर उपचार म्हणून वापरले जाऊ शकते. आम्ही असे म्हणालो होतो की, या औषधाच्या क्लिनिकल ट्रायल दरम्यान, कोरोना बाधित रुग्ण कोरोनामुक्त झाले होते. यामध्ये काहीच शंका घेण्यासारखे नाही.’

पतंजलीचे योगगुरु बाबा रामदेव आणि आचार्य बालकृष्ण यांनी २३ जून रोजीएक पत्रकार परिषद घेतली होती. यावेळी रामदेव बाबा म्हणाले की, संपूर्ण सायंटिफिक डॉक्यूमेंटच्या आधारे श्वासारी वटी, कोरोनिल ही कोरोनावरील एविडेंस बेस असलेले पहिले आयुर्वेदिक औषध आहे. पतंजलीच्या मते, हा रिसर्च संयुक्तपणे पतंजली रिसर्च इंस्टीट्यूट (पीआरआय) हरिद्वार, नॅशनल इंस्टिट्यूट ऑफ मेडिकल सायंस (NIMS), जयपूरने केला आहे. या औषधाची निर्मिती दिव्य फार्मसी, हरिद्वार आणि पतंजली आयुर्वेद लिमिटेड, हरिद्वारकडून केली जात आहे.

 

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

‘जगण्याचा अधिकार धार्मिक स्वातंत्र्याच्या अधिकारापेक्षा महत्वाचा’ – मद्रास हायकोर्ट

News Desk

आरोग्य विभागामार्फत ४७ हजार स्थलांतरित मजुरांचे मानसिक समुपदेशन, राजेश टोपेंची माहिती

News Desk

देशात कोरोना रुग्ण संख्येने ओलांडला ६० लाखांचा टप्पा

News Desk