नवी दिल्ली | वारंवार वादाच्या भोवऱ्यात अडकणाऱ्या भाजपच्या भोपाळ मतदारसंघाच्या खासदार प्रज्ञा सिंह ठाकूर यांनी पुन्हा एक वादग्रस्त विधान केले होते. “मी गटारे आणि शौचालये साफ करण्यासाठी खासदार झालेले नाही,” असे प्रज्ञा सिंह यांनी म्हटले होते. दरम्यान, या विधानामुळे आता प्रज्ञा सिंह यांच्या अडचणीत वाढ झाली आहे. याप्रकरणी भाजपचे कार्यकारी अध्यक्ष जे. पी. नड्डा यांनी प्रज्ञा सिंह ठाकूर यांना नोटीस पाठवली आहे. तसेच प्रज्ञा ठाकूर यांच्या विधानावर पक्षनेतृत्त्व नाराज असल्याचे देखील जेपी नड्डा यांनी ठाकूर यांनी स्पष्ट केले आहे.
सिहोर परिसरातील अस्वच्छतेबाबत नागरिकांकडून तक्रारी करण्यात आल्यानंतर त्यावर उत्तर देताना प्रज्ञा सिंह ठाकूर म्हणाल्या की, “मी गटारे आणि शौचालये साफ करण्यासाठी खासदार झालेली नाही. ज्यासाठी मला खासदार म्हणून जनतेने निवडून दिले आहे, ते काम आम्ही प्रामाणिकपणे करू.” प्रज्ञा सिंह यांचा हा व्हिडिओ सोशल मीडियावर व्हायरल झाल्यानंतर पक्षाने त्यांच्या या विधानाची गंभीर दखल घेत त्यांना दिल्लीतील मुख्यालयात देखील बोलावून घेतले होते.
प्रज्ञा सिंह ठाकूर यांनी आपल्या त्या विधानातून अप्रत्यक्षपणे भाजपसह पंतप्रधान मोदींच्या महत्त्वाकांक्षी ‘स्वच्छ भारत’ मोहिमेवर केलेल्या टीकेमुळे त्यांना पक्ष नेतृत्त्वाच्या रोषाला सामोरे जावे लागले आहे. म्हणूनच “पक्षाच्या मोहिमा, योजना आणि विचारधारा यांच्या परस्परविरोधी कोणतीही विधाने करू नका”, अशा स्पष्ट सूचना प्रज्ञा ठाकूर यांना पक्षाकडून देण्यात आल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
