HW News Marathi
देश / विदेश

जॉर्ज फर्नांडिस यांच्या निधनानंतर अनेक दिग्गजांनी व्यक्त केली हळहळ

नवी दिल्ली | माजी संरक्षणमंत्री जॉर्ज मॅथ्यू फर्नांडिस यांचे मंगळवारी (२९ जानेवारी) दिल्लीतील मॅक्स केअर रुग्णालयात निधन झाले. फर्नांडिस ८८ वर्षांचे होते. जॉर्ज फर्नांडिस यांच्यावर गेल्या काही दिवसांपासून मॅक्स केअर रुग्णालयात उपचार सुरू होते. मात्र, आज सकाळी त्यांनी अखेरचा श्वास घेतला. जॉर्ज फर्नांडिस हे भारताच्या समाजवादी चळवळीतील महत्त्वाचे नेते होते. जॉर्ज फर्नांडिस यांच्या निधनानंतर अनेक दिग्गजांनी हळहळ व्यक्त केली आहे.

जॉर्ज फर्नांडिस यांच्या निधनानंतर केंद्रीय मंत्री नितीन गडकरी यांनी दुःख व्यक्त केले. “जॉर्ज फर्नांडिस यांनी देशासाठी आपले संपूर्ण आयुष्य समर्पित केले. व्यापारी संघटनांच्या न्यायासाठी, हक्कांसाठी ते लढले. मी त्यांना आदर्श मानतो,” असे नितीन गडकरी म्हणाले.

“जॉर्ज फर्नांडिस यांनी देशाची सेवा केली. वेगवेगळ्या काळात संरक्षण आणि रेल्वेसारख्या महत्त्वाच्या खात्यात त्यांनी काम केले. त्यांनी अनेक कामगार चालवली केल्या आणि कामगारांवर होणाऱ्या अन्यायाविरोधात लढा दिला. देशाचे संरक्षण मंत्री म्हणून त्यांचा कार्यकाळ उत्कृष्ट होता. परमेश्वर त्यांच्या आत्म्याला शांती देवो”, अशी भावना केंद्रीय गृहमंत्री राजनाथ सिंग यांनी व्यक्त केली.

“एवढ्या प्रदीर्घ काळाच्या राजकीय प्रवासात जॉर्ज साहेबांनी कधीही त्यांच्या राजकीय विचारधारेपासून फारकत घेतली नाही. देशावर लादण्यात आलेल्या आणीबाणीचा त्यांनी जोरदार विरोध केला. त्यांचा साधेपणा आणि त्यांची नम्रता लक्षणीय होती. त्यांचे कुटुंबीय, मित्र-परिवार यांच्या दुःखात मी सहभागी आहे. ईश्वर त्यांच्या आत्म्याला शांती देवो”, अशी भावना पंतप्रधान नरेंद्र मोदी यांनी व्यक्त केली.

“संरक्षण मंत्री पदासह अन्य अनेक क्षेत्रात भारताची सेवा करणारे जॉर्ज फर्नांडिस यांच्या निधनाच्या बातमीने मला दुःख झाले आहे. ‘साधी राहणी आणि उच्च विचारसरणी’ याचे ते आदर्श उदाहरण होते. आणीबाणी आणि त्या नंतरच्या काळातही ते लोकशाहीच्या मूल्यांकरिता लढले. आम्हाला त्यांची उणीव जाणवत राहील”, असे राष्ट्रपती रामनाथ कोविंद म्हणाले.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

दुबईतील ७४ मजली टॉवर पेटला

News Desk

OBC आरक्षणासंदर्भात उद्या होणार सुनावणी

News Desk

“शेजारी पाहा काय घडतय”, मेहबूबा मुफ्ती यांचा पंतप्रधानांना इशारा

Jui Jadhav