नवी दिल्ली | उत्तर प्रदेशमधील बुलंदशहर जिल्ह्यात सोमवारी (३ डिसेंबर) स्यानामधील एका गावातील शेतात मृत गायीचे अवशेष आढळले होते. त्यानंतर येथील लोकांनी संतप्त होऊन रास्ता रोको केले. दरम्यान, बुलंदशहरामध्ये झालेल्या हिंसाचारामागचा मुख्य सूत्रधार आणि ३ जणांना पोलिसांनी अटक केली आहे. योगेश राज असे या मुख्य सूत्रधाराचे नाव आहे. योगेश हा प्रवीण तोगाडिया यांच्या संघटनेचा जिल्हाध्यक्ष आहे.
योगेश राजवर घटनास्थळी उपस्थित असलेल्या लोकांच्या भावना भडकविल्याचे एफआयआरमध्ये नमूद करण्यात आले आहे. या दंगलीप्रकरणी अजूनपर्यंत तब्बल ७५ जणांविरोधात गुन्हा दाखल करण्यात आला आहे. पोलीस अधिकारी सुबोध सिंह यांच्या हत्येचा कट रचणाऱ्यांच्या नावांमध्ये योगेश राजसह उपेंद्र राघव (बजरंग दल), शिखर अग्रवाल (माजी अध्यक्ष, भाजयुमो) यांची देखील नावे आहेत.
या हिंसाचारादरम्यान आंदोलनकर्त्यांना पांगवण्यासाठी पोलिसांनी केलेल्या गोळीबारात १ तरुण गंभीर जखमी झाला होता. त्यामुळे संतप्त जमावाने पोलीस स्टेशनची मोठ्या प्रमाणावर मोडतोड आणि जाळपोळ केली. यात पोलीस अधिकारी सुबोध कुमार सिंह यांचा उपचारादरम्यान मृत्यू झाला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
