HW News Marathi
Covid-19

दिल्लीत ऑक्सिजन अभावी एका डॉक्टरसह ८ रूग्णांचा मृत्यू

नवी दिल्ली | देशात सध्या कोरोनाचा उद्रेक होताना दिसत आहे. दररोज लाखांच्या संख्येत कोरोनाबाधित रुग्ण वाढत असून, रूग्णांच्या मृत्यू संख्येतही मोठी वाढ होत आहे. यामुळे आरोग्य यंत्रणा कोलमडली असून, रूग्णालयांमध्ये ऑक्सिजन, व्हेंटिलेटर, बेड, इंजेक्शन, औषध तुटवडा निर्माण झालेला आहे. बऱ्याच ठिकाणी रूग्णांना वेळेत ऑक्सिजन उपलब्ध न झाल्याने रूग्णांच्या मृत्यूच्या देखील घटना घडल्या आहेत. अशीच एक घटना दिल्लीत घडल्याचं समोर आलं आहे, येथील बत्रा हॉस्पिटलमध्ये ऑक्सिजन अभावी एका डॉक्टरसह आठ रूग्णांचा मृत्यू झाल्याचे समोर आले आहे.

दिल्ली उच्च न्यायालयात बत्रा हास्पिटलकडून याबाबत माहिती देण्यात आली आहे की, ”रूग्णालयात सध्या ऑक्सिजनचा प्रचंड तुटवडा असून, तासभरापेक्षा जास्त काळ ऑक्सिजन पुरवठा होत नाही. यामुळे एका डॉक्टरसह आठ रूग्णांचा मृत्यू झाला आहे. आम्हाला वेळेत ऑक्सिजन मिळत नाही. आमच्याकडे दुपारी १२ वाजता ऑक्सिजन संपला होता. त्यानंतर आम्हाला दीड वाजता ऑक्सिजन मिळाला. परिणामी आम्ही आमच्या एका डॉक्टरसह रूग्णांचा मृत्यू झाला,” अशी माहिती देण्यात आली आहे.

 

कोरोना संकट काळात दिल्लीतील रूग्णालयांमध्ये ऑक्सिजनचा प्रचंड तुटवडा निर्माण झालेला आहे. उच्च न्यायालयातील एका सुनावणी दरम्यान दिल्लीतील बत्रा हॉस्टिपलकडून हे देखील सांगण्यात आले की, ”त्यांच्याकडे अत्यंत कमी प्रमाणात ऑक्सिजन उपलब्ध आहे. आम्ही दररोज काही तासत संकटात घालवत आहोत, हे चक्र थांबतच नाही. आम्ही एका व्हॉट्स अप ग्रुपवर देखील ऑक्सिजनसाठी विनंती केली, जो कालच ऑक्सिजन पुरवठादार, दिल्ली सरकारमधील अधिकारी आणि रूग्णालयांच्या प्रतनिधींन मिळून बनवला आहे. त्यावर आम्हाला प्रतिसाद मिळाला की, आम्हाला आता ‘डिस्टर्ब’ करू नका.”

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

खुशखबर ! उद्यापासून सर्वसामान्यांसाठीही धावणार बेस्ट बस

News Desk

पश्चिम बंगालच्या पराभवामुळे चंद्रकांत पाटील डिस्टर्ब झालेत !

News Desk

अंकिता पाटील यांनी राजकारण्यांसमोर ठेवला एक नवा आदर्श!

News Desk