Connect with us

देश / विदेश

एका व्यक्तीच्या खोट्या, तथ्यहीन आरोपांमुळे मला पदावरून हटविले !

News Desk

Published

on

नवी दिल्ली | “केवळ एका व्यक्तीच्या खोट्या आणि तथ्यहीन आरोपांमुळे मला पदावरून हटविण्यात आल्याचा आरोप आलोक वर्मा यांनी गुरुवारी रात्री केला आहे. ते एका वृत्तसंस्थेशी बोलत होते. आलोक वर्मा यांना गुरुवारी (१० जानेवारी) सीबीआयच्या संचालक पदावरून हटविण्याचा निर्णय सिलेक्ट कमिटीच्या बैठकीत घेण्यात आला होता. या सिलेक्ट कमिटीमध्ये पंतप्रधान नरेंद्र मोदी यांच्यासह सर्वोच्च न्यायालयाचे सरन्यायाधीश रंजन गोगोई यांनी सुचविलेले न्यायाधीश ए. के. सिकरी आणि विरोधी पक्ष नेते मलिक्कार्जुन खरगे यांचा समावेश होता.

सीबीआय ही भ्रष्टाचारांच्या मोठ्या प्रकरणांची चौकशी करणारी एक महत्वाची संस्था असल्याने सीबीआयची ही स्वायत्तता अबाधित ठेवली पाहिजे. सीबीआयचे काम हे कोणत्याही बाह्य दबावाशिवाय चालले पाहिजे. मी होतो तेव्हा मी कायमच सीबीआयचा प्रामाणिकपणा जपण्याचा प्रयत्न केला आहे. मात्र, हा प्रामाणिकपणाच नष्ट करण्याचा प्रयत्न करण्यात आल्याचे देखील आलोक वर्मा यांनी यावेळी म्हटले आहे.

सिलेक्ट समितीच्या बैठकीत भ्रष्टाचाराचा त्याचप्रमाणे आपले कर्तव्य योग्यरीत्या न बाजवल्याचा आरोप करत सीबीआयचे संचालक आलोक वर्मा यांना गुरुवारी (१० जानेवारी) संचालकपदावरून हटविण्यात आले आहे. २-१ अशा बहुमताने वर्मा यांना हटविण्याचा हा निर्णय घेण्यात आला आहे.

सीबीआयच्या संचालकपदी एम. नागेश्वर राव यांची नेमणूक

सीबीआयच्या संचालकपदावरुन हटविण्यात आल्यानंतर आलोक वर्मा होमगार्ड, नागरी सुरक्षा आणि अग्निशमन सेवा महासंचालक म्हणून काम सांभाळतील. त्याचप्रमाणे एम. नागेश्वर राव यांची सीबीआयच्या संचालकपदी नेमणूक करण्यात आली आहे.

देश / विदेश

पाकिस्तानने काश्मीरच्या मुद्द्यात हस्तक्षेप करू नये !

News Desk

Published

on

नवी दिल्ली | काश्मीर भारतापासून कधीही वेगळे होऊ शकत नाही. काश्मीर हे भारताचाच एक भाग आहे आणि कायम असेल. त्यामुळे पाकिस्तानने काश्मीरच्या मुद्द्यात हस्तक्षेप करू नये, असा इशारा एआयएमआयएमचे अध्यक्ष असदुद्दीन ओवैसी पाकिस्तानला दिला आहे.

केंद्रात काँग्रेस असो किंवा भाजप, काश्मीरमधील स्थितीत सुधारणा करण्यासाठी त्यांच्या कोणतीही योजना किंवा विचार नाहीत. पुढे एका अहवालाचा दाखल देत ओवैसी म्हणाले कि, “केंद्रात भाजपची सत्ता असूनही त्यांनी काश्मिरी पंडितांसाठी काहीही केले नाही. काश्मीरची समस्या जेम्स बॉंड किंवा रेम्बो शैलीत सोडविली जाऊ शकत नाही.”

Continue Reading

देश / विदेश

इंधन दरवाढ, पेट्रोल १७ पैसे तर डिझेल १९ पैशांनी महागले

News Desk

Published

on

नवी दिल्ली | गेल्या काही दिवसांपासून इंधनाच्या दरात सातत्याने घट होत होती. परंतु दर कपातीनंतर आता पुन्हा इंधन दरात वाढ झाली आहे.  पेट्रोल-डिझेलच्या दरात वाढ झाली आहे. मुंबईत आज (१९ जानेवारी) पेट्रोलसाठी ७६.३५ रुपये मोजावे लागतील. तर डिझेलचा दर ६८.२२ रुपयांवर गेला आहे.

दिल्लीकरांनाही इंधन दरवाढीचे चटके सहन करावे लागणार आहेत. दिल्लीत पेट्रोलचे दर १७ पैशांनी तर डिझेलचे दर १९ पैशांनी वधारले आहेत. त्यामुळे आज दिल्लीत पेट्रोल आणि डिझेलसाठी ७०.७२ रुपये आणि ६५.१६ रुपये मोजावे लागतील. गेल्या काही दिवसांपासून पेट्रोल, डिझेलच्या दरांमध्ये सातत्याने घसरण होत होती.

१६ जानेवारी रोजी मुंबईत पेट्रोल फक्त ८ पैशांनी स्वस्त झाले होते. त्यामुळे मुंबईकरांना पेट्रोलसाठी ७५.९७ रुपये मोजावे लागले. परंतु डिझेलच्या दरात १३ पैशांची वाढ झाली होती. त्यामुळे मुंबईत डिझेलचा दर ६७.६२ रुपयांवर आला होता. तसेच दिल्लीतही इंधनाचे दर घटले होते. दिल्लीतही पेट्रोल ८ पैशांनी स्वस्त झाले. त्यामुळे एक लिटर पेट्रोलसाठी ७०.३३ रुपये मोजावे लागले तर डिझेलच्या दरात १२ पैशांची वाढ झाली होती. त्यामुळे दिल्लीत डिझेलचा दर ६४.५९ रुपयांवर आला होता.

Continue Reading
Advertisement

HW Marathi Facebook

January 2019
M T W T F S S
« Dec    
 123456
78910111213
14151617181920
21222324252627
28293031  

महत्वाच्या बातम्या