पाहा ‘डेड सी’ची गंमत या व्हिडिओमध्ये. . .
पोहोता येत नसेल, तर समुद्रच काय विहिरीकाठी जातानाही अनेकांच्या काळजात धस्स होतं! उसळणाऱ्या लाटा आणि फेसाळणाऱ्या दर्यावर पोहोयला तर भलेभले तरणपटूही धजावत नाहीत. पण जराही पोहोता येत नसेल. . . तुम्ही समुद्रात पडलात आणि तरीही बुडाला नाहीत, उलट कागदासारखे वर तरंगत राहिलात तर?
अशक्य वाटतयं ना हे सगळं, एखाद्या परीकथेसारखं. . . पण ही परीकथा नव्हे, हे १०० टक्के वैज्ञानिक सत्य आहे. कुणालाही न बुडविणारा समुद्र जगात अस्तित्वात आहे. जॉर्डन आणि इस्रायल या दोन देशांमध्ये हा समुद्र असून तो ‘डेड सी’ नावाने ओळखला जातो. या समुद्रात कुणी बुडत नाही आणि हा काही चमत्कार नव्हे. त्यामागे वैज्ञानिक कारणे आहेत. या समुद्रात क्षारांचे प्रमाण खूप आहे. त्यामुळे त्याच्या पाण्याची घनताही अधिक आहे. परिणामी मानवी वस्तुमान हे पाणी सहज तोलून धरते. म्हणून तुम्ही कसेही जाऊन समुद्रात पडलात, तरीही बुडण्याची शक्यता मूळीच नसते.
विशेष म्हणजे या समुद्राच्या पाण्याचे अनेक औषधी गुणधर्मही आहेत. त्वचेसाठी हे पाणी आणि किनाऱ्यावरील चिखल फारच उपयुक्त मानला जातो. त्यामुळे डेड सीपासून बनविलेली अनेक सौंदर्य प्रसाधनेही बाजारात उपलब्ध आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
