बंगळुरु | कर्नाटकात एच. डी. कुमारस्वामी यांच्या नेतृत्त्वाखाली काँग्रेस आणि जनता दल सेक्युलर यांच्या आघाडीची सरकार स्थापन झाली आहे. या आघाडी सरकारचा आज मंत्रिमंडळ विस्तार होणार आहे. जेडीएसचे १२ आणि काँग्रेसचे उपमुख्यमंत्रीसह जवळपास २२ आमदार आज दुपारी २ वाजता मंत्रिपदाची शपथ घेणार आहेत.
२३ मे रोजी जेडीएसचे एच. डी. कुमारस्वामी यांनी मुख्यमंत्री तर काँग्रेसचे डॉ. जी. परमेश्वर यांनी उपमुख्यमंत्री पदाची शपथ घेतली आहे. दोन्ही पक्षांच्या किती आमदारांना मंत्रिमंडळात सामील करुन घेतले जाणार यांची संख्या अद्याप स्पष्ट झाली नाहीये.
काँग्रेसच्या वाटेला गृह, आरोग्य आणि कृषी आशी खाते मिळण्याची शक्यता वर्तवण्यात येते आहे. तर जेडीएसला अर्थ आणि सार्वजनिक बांधकाम ही खाते देण्यात असल्याची माहिती सूत्रांकडून मिळाली आहे. तसेच काही पदे रिक्त ठेवण्यात येतील अशी माहिती कर्नाटकाचे मुख्यमंत्री कुमारस्वामी यांनी प्रसार माध्यमांना दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
