लंडन : भारतीय वंशाच्या केवळ १२ वर्षिय बालकाने एकेकाळी भारतावर सत्ता गाजविणाऱ्या ब्रिटिशांच्या देशात आपल्या बुद्धिमत्तेचा दबदबा निर्माण केला आहे. ब्रिटनमधील ‘चॅनेल ४’ या दूरचित्रवाहिनीची स्मरणशक्ती आणि सामान्यज्ञानावर आधारित स्पर्धा त्याने जिंकली आहे. राहुल दोशी असे या बालकाचे नाव असून तो ‘चाइल्ड जिनियस’ ठरला आहे.
लंडनमध्ये शिकणाऱ्या राहुलने शनिवारी रात्री झालेल्या या स्पर्धेच्या अंतिम फेरीत नऊ वर्षांच्या रोनन याचा १० विरुद्ध ४ असा पराभव केला. म्हणजे अंतिम फेरीत विचारलेल्या सर्व १० प्रश्नांची उत्तरे राहुलने अचूक दिली, तर रोननची फक्त चार उत्तरे बरोबर देता आली.
आठवडाभर चाललेल्या या स्पर्धेत एकूण २० स्पर्धकांनी भाग घेतला होता. त्यात स्पर्धकांच्या स्मरणशक्तीसोबत गणित, इंग्रजी, इतिहास व इंग्रजी स्पेलिंगच्या ज्ञानाचा कस लागला.
एडवर्ड जेन्नरने वैद्यकीय क्षेत्रात लावलेले शोध हा राहुलने आवडीचा विषय म्हणून निवडला होता व त्यावरच त्याला सर्वाधिक प्रश्न विचारले गेले, पण त्याला खरा विजय मिळवून दिला, तो १९ व्या शतकातील विल्यम होलमन हंट आणि जॉन एवरेट मिलाईस या दोन कलावंतांशी संबंधित प्रश्नांच्या उत्तरांनी. राहुलचे वडील मिनेश आयटी मॅनेजर, तर आई कोमल फार्मसिस्ट आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
कराची – क्रिकेटच्या मैदानावर क्वचितच घडणारी दुर्दैवी घटना सोमवारी पाकिस्तानात घडली आहे. बॅटींग करीत असताना अचानक उसळलेला चेंडू डोक्यावर आदळल्याने एका खेळाडूचा मृत्यू झाला. झुबेर अहमद असे त्याचे नाव असून तो पाकिस्तानच्या फखर जमान अकादमीचा सदस्य होता. पाकिस्तानी स्वातंत्र्यदिनीच त्याच्यावर काळाने घाला घातला.