नवी दिल्ली | अवघ्या काही दिवसांवर स्वातंत्र्य दिनाचा कार्यक्रम येऊन ठेपला आहे. स्वातंत्र्य दिनाच्या कार्यक्रमाला उपस्थित राहा, असा आदेश दिल्लीतील सर्व महत्त्वाच्या सरकारी अधिकाऱ्यांना देण्यात आला आहे. लाल किल्ल्यावर होणाऱ्या स्वातंत्र्य दिनाच्या कार्यक्रमात पंतप्रधान नरेंद्र मोदी देशवासीयांना संबोधित करणार आहेत.
लाल किल्ल्यावर आयोजित करण्यात येणाऱ्या स्वातंत्र्य दिनाच्या कार्यक्रमाला सरकारचे सर्व मंत्री, महत्त्वाचे राजकीय नेते, राजदूत, उच्चायुक्त उपस्थित असतात. पुढील स्वातंत्र्य दिनाआधी देशात सार्वत्रिक निवडणुका होत असल्यानं मोदी सरकारसाठी हा स्वातंत्र्य दिन महत्त्वाचा आहे. त्यामुळेच या कार्यक्रमाला उपस्थित राहण्याचे सक्त आदेश सरकारी अधिकाऱ्यांना देण्यात आले आहेत.
स्वातंत्र्य दिनाला उपस्थित राहण्यासाठी सर्व विभागांना १ ऑगस्ट रोजी सूचना देण्यात आल्या आहेत. कॅबिनेट सचिवांकडून या सूचना देण्यात आल्या असून त्यामधून स्वातंत्र्य दिनाच्या कार्यक्रमाचे महत्त्व अधोरेखित करण्यात आले आहे. ‘स्वातंत्र्य दिनी पंतप्रधान देशाला संबोधित करत असल्यानं हा कार्यक्रम महत्त्वाचा आहे. त्यामुळे सर्व अधिकाऱ्यांनी सोहळ्यास उपस्थित राहावे,’ अशा सूचना देण्यात आल्या आहेत.
यंदाच्या स्वातंत्र्य दिनी पंतप्रधान झाल्यापासून नरेंद्र मोदी पाचव्यांदा देशातील नागरीकांना लाल किल्ल्यावरुन संबोधित करणार आहेत. त्यामुळे हा दिवस प्रचंड महत्वाचा मानला जात आहे. या कार्यक्रमाला उपस्थित न राहणा-या सर्व सरकारी बाबुंची गंभीर दखल घेतली जाईल असेही सांगण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
