मुंबई | देशात कोरोना रुग्णांची संख्या वेगाने वाढत आहे. देशात गेल्या २४ तासात कोरोनाचे तब्बल ६ हजार ७६७ नव्या रुग्णांची नोंद झाली आहे. देशात एका दिवसात झालेली ही सर्वाधिक रुग्ण संख्या वाढ आहे. तर गेल्या २४ तासात कोरोनामुळे १४७ जणांचा मृत्यू झाला आहे. देशातील कोरोना रुग्णांची संख्या १ लाख ३१ हजार ८६८ एवढी झाली आहे. देशात सध्या ७३ हजार ५६० अॅक्टिव्ह केसेस आहेत. बरे झालेल्या ५४ हजार ४४० लोकांना घरी सोडण्यात आले आहे. देशात आतापर्यंत कोरोनामुळे ३ हजार ८६७ जणांचा मृत्यू झाला आहे, अशी माहिती केंद्रीय आरोग्य आणि कुटुंब कल्याण मंत्रालयाने दिली आहे.
Highest ever spike of 6767 #COVID19 cases & 147 deaths in India in the last 24 hours. Total number of cases in the country now at 1,31,868, including 73,560 active cases, 54,440 cured/discharged and 3867 deaths: Ministry of Health and Family Welfare pic.twitter.com/0r5cnBfxnC
— ANI (@ANI) May 24, 2020
दरम्यान, देशात महाराष्ट्रात कोरोना रुग्णांची संख्या सर्वाधिक आहे. राज्यातील कोरोनाबाधित रुग्णांची एकूण संख्या ४७ हजार १९० वर पोहोचली आहे. काल (२३ मे) २६०८ नवीन रुग्णांचे निदान झाले आहे. राज्यात काल ८२१ कोरोनाबाधित रुग्णांना घरी सोडण्यात आले असून आतापर्यंत राज्यभरात १३ हजार ४०४ रुग्ण बरे झाले आहेत. राज्यात सध्या ३२ हजार २०१ रुग्णांवर उपचार सुरू असल्याचे आरोग्यमंत्री राजेश टोपे यांनी दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
