कुणी मुद्दामहून आमच्या वाटेला आले तर आम्ही त्याला सोडत नाही !

नवी दिल्ली | आम्ही स्वतःहून कुणाच्या वाटेला जात नाही. मात्र कुणी मुद्दामहून आमच्या वाटेला आले तर त्याला सोडतही नाही. असा स्पष्ट संकेत भारतीय लष्कराने शत्रूंना दिल्याचे पंतप्रधान मोदींनी सांगितले आहे. दिल्लीमध्ये सोमवारी (२८ जानेवारी) आयोजित करण्यात आलेल्या एनसीसी रॅलीमध्ये पंतप्रधान मोदी बोलत होते. यावेळी ”मी जेव्हा तुमच्यासोबत संवाद साधण्यासाठी येतो तेव्हा माझ्या डोळ्यांसमोर अनेक आठवणी उभ्या राहतात”, असेही मोदी यावेळी म्हणाले.

Saluting India's Yuva Shakti. Addressing the NCC rally. Watch. https://t.co/Mukpzwyko0

— Narendra Modi (@narendramodi) January 28, 2019

काय म्हणाले पंतप्रधान मोदी ?

• आम्ही स्वतःहून कुणाच्या वाटेला जात नाही. मात्र कुणी मुद्दामहून आमच्या वाटेल आले तर त्याला सोडतही नाही.
• आम्ही शांततेचे पुरस्कर्ते आहोत. मात्र देशाच्या सुरक्षेसाठी कोणतेही पाऊल उचलण्यास आम्ही मागेपुढे पाहणार नाही.
• येत्या काळातही देशाच्या सुरक्षेच्या दृष्टीने महत्त्वपूर्ण असा प्रत्येक कठोर निर्णय घेतला जाईल असे आश्वासन देतो
• गेल्या चार वर्षांच्या काळात देशाच्या सुरक्षेच्या दृष्टीने अनेक महत्त्वपूर्ण निर्णय घेण्यात आले आहेत.
• सध्याच्या परिस्थितीत भारत हा जगातील काही मोजक्या देशांपैकी एक आहे ज्याच्याकडे जमीन, आकाश आणि पाण्यातून मारा करता येतील अशी अण्वस्त्रे आहेत.