नवी दिल्ली | भारतीय लष्कर पुन्हा एकदा सर्जिकल स्ट्राईक करण्याच्या तयारीत असल्याची माहिती खात्रीलायक सूत्रांकडून प्राप्त झाली आहे. म्यानमारमधील दहशतवादी तळांवर भारतीय लष्कर सर्जिकल स्ट्राईक करणार असल्याचे बोलले जात आहे. नॅशनल सोशालिस्ट काऊन्सिल ऑफ नागालँड (के) या दहशतवादी संघटनेविरोधात कारवाई करण्यासाठी सध्या भारतीय लष्कर सज्ज झाले आहे. म्यानमागरमधल्या कोनयांक भागात एनएससीएन (के) संघटनेनं तळ तयार केले आहेत. हा भाग नागालँडपासून अगदी जवळ आहे. म्यानमारच्या लष्कराने या भागाचे फोटो पाठविल्यानंतर भारतीय लष्कराकडून कारवाईला सुरुवात केली जाऊ शकते, असे वृत्त एका वृत्तपत्राने प्रसिद्ध केले आहे.
भारतीय सैन्याने २०१५ मध्ये देखील म्यानमारमध्ये सर्जिकल स्ट्राईक केला होता. सध्या नागा बंडखोरांशी संवाद साधण्याचा प्रयत्न मोदी सरकारकडून सुरू आहे. अनेक संघटनांशी बातचीत सुरू आहे. एनएससीएन (के) संघटनेत दोन गट पडले असल्याने संवादाची प्रक्रिया सोपी होईल, अशी शक्यता सूत्रांकडून वर्तवली जात आहे. यातील एक गट संवादासाठी तयारही झाला आहे. सूत्रांनी दिलेल्या माहितीनुसार, म्यानमारमध्ये दहशतवाद्यांचे ३८ तळ आहेत. एनएससीएन (के) ने बातचीत करावी, यासाठी म्यानमार लष्कराकडून दबाव आणला जात आहे. एनएससीएन (के) चे प्राबल्य असलेल्या भागात म्यानमारच्या लष्कराची अतिरिक्त कुमक दाखल झाली आहे. म्यानमार लष्कराने शतवाद्यांच्या तळाची माहिती पुरविल्यास भारतीय सैन्याकडून मोठी कारवाई होण्याची शक्यता आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
