राहुल गांधीना भेटण्यास जिन्गेश मेवाणींचा नकार

नवी दिल्ली – गुजरात विधानसभा निवडणुकीची रणधुमाळी सध्या सुरू आहे. त्यात भाजप विरोधीगटांना एक करण्याचा जोरदार प्रयत्न काँग्रेसकडून केला जात आहे. या पार्श्वभूमिवर आज गुजरातमधील राष्ट्रीय दलित अधिकार मंचचे नेते जिग्नेश मेवाणी काँग्रेस उपाध्यक्ष राहुल गांधींची भेट घेणार होते. मात्र मेवाणी यांनी राहुल गांधींना भेटण्यास नकार दिला आहे. जोपर्यंत पक्षाची भूमिका स्पष्ट होत नाही, तोवर भेटण्यात काही अर्थ नाही असे गुजरात काँग्रेसचे प्रभारी अशोक गेहलोत यांनी स्पष्ट केले आहे. दरम्यान काँग्रेसमध्ये सहभागी होणार नाही, पण भाजपच्या विरोधात तयार होणाऱ्या आघाडीला त्यांचा पाठिंबा असेल असे वक्तव्य जिग्नेश यांनी केले होते.