मुंबई | पेट्रोल आणि डिझेलचे दर वाढल्याने सर्व सामान्यांचे हाल होतात. परंतु यंदाच्या नववर्षात पेट्रोल आणि डिझेलच्या दरांमध्ये मोठी कपात होणार असल्याचे संकेत मिळाले आहे. सध्या आंतरराष्ट्रीय बाजारात कच्च्या तेलाच्या किंमतीत मोठ्या प्रमाणात घट झाल्याने पेट्रोलसह डिझेलच्या किंंमतीत घट होणार आहे. त्याशिवाय सरकारकडून मिथेनॉलयुक्त पेट्रोल विकण्याची परवानगी मिळताच पेट्रोल-डिझेल १० ते १५ रुपयांनी स्वस्त होणार असल्याचा अंदाज अर्थ तज्ञांनी व्यक्त केला आहे. कच्या तेलाच्या दरांत घट होवून जवळपास ७१ टक्क्यांची घसरण होणार आहे.
आंतरराष्ट्रीय बाजारात ब्रेंट क्रूड ऑइलच्या किंमतीत घसरण सुरू असून बुधवारी (२६ डिसेंबर) क्रूड ऑइल ५० डॉलर प्रति बॅरल दराने विकले जात होते. २ ऑक्टोबरमध्ये क्रूड ऑइल ८५.६ डॉलर प्रति बॅरलदराने विकले जात होते. तेव्हापासून आजपर्यंत कच्या तेलाच्या दरांत घट होवून जवळपास ७१ टक्क्यांची घसरण झाली आहे.
नीती आयोगाच्या देखरेखीखाली सरकार देशभरात १५ टक्के मिथेनॉल मिसळलेले पेट्रोल आणण्याची तयारी करत आहे. यासाठी पुण्यात चाचण्याही सुरू झाल्या आहेत. जर सरकारची योजना यशस्वी झाली तर पेट्रोल १० रुपयांनी स्वस्त होणार आहे. मिथेनॉल कोळशापासून तयार केले जाते. सध्या पेट्रोल आणि डिझेलमध्ये इथेनॉल मिसळले जाते. इथेनॉल ऊसापासून तयार केले जाते. इथेनॉलसाठी प्रती लीटर ४२ रुपये खर्च होतात. तर मिथेनॉलसाठी २० रुपये प्रती लीटर खर्च येतो. इथेनॉलच्या तुलनेत मिथेनॉल स्वस्त असल्यानेच या पर्यायाचा विचार केला जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
