नवी दिल्ली। निवडणूक लढविण्यासाठी वयाची मर्यादा १८ वर्षे करण्यात यावी, अशी मागणी प्रवीण कुमार यांनी याचिकेद्वारे केली होती. या याचिकेवर सर्वोच्च न्यायालयात आज सुनावणी करण्यात आली. संसदेला यावर निर्णय घेण्याचा अधिकार असल्याचे सर्वोच्च न्यायालयाने आजच्या सुनावणीत म्हटले आहे. निवडणूक आयोगाचे प्रमुख ओ.पी. रावत यांनीही यापूर्वी उमेदवारांचे वय १८ वर्षे करण्याचे विधान केले होते. तसेच जर मतदान करणाऱ्या मतदारांचे वय १८ वर्षे चालते, तर उमेदवारांचे वय १८ वर्षे का चालत नाही, असेही रावत यांनी म्हटले होते.
आमदार किंवा खासदार पदाच्या निवडणुकांसाठी वयाची अट २५ वर्षे ठेवण्यात आली आहे. त्यामुळे ही अट शिथिल करुन १८ वर्षे करावी, अशी मागणी प्रवीण कुमार यांनी याचिकेद्वारे केली होती. दरम्यान, १९७९ मध्ये तत्कालीन काँग्रेस सरकारने मतदारांसाठी वय २१ वरून १८ वर्षे केले होते. आजचा युवक सुजाण असून त्याचा निवडणूक प्रक्रियेत सहभाग गरजेचा आहे, असे मत तेव्हाचे पंतप्रधान राजीव गांधी यांनी व्यक्त केले होते. सध्या स्थानिक स्वराज संस्थांच्या निवडणुकांसाठी वयोमर्यादा २१ वर्षे ठेवण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
