मुंबई | पायाभूत गुंतवणुकीवरील बैठकीसाठी भारताचे पंतप्रधान नरेंद्र मोदी २६ जून रोजी मुंबईत दाखल होणार आहेत. तसेच आणीबाणीविरोधात लढलेल्या कार्यकर्त्यांबद्दल कृतज्ञता व्यक्त करण्यासाठी आणि लोकशाही मूल्यांची चर्चा करण्यासाठी मुंबई भाजपाने २६ जून रोजी विचारमंथन आयोजित केले आहे. पंतप्रधान नरेंद्र मोदी या कार्यक्रमाचे प्रमुख संवादक असून मुख्यमंत्री देवेंद्र फडणवीस, भाजपा प्रदेशाध्यक्ष खा. रावसाहेब पाटील दानवे यांची कार्यक्रमाला प्रमुख उपस्थिती असेल.
आर्थिक कामकाज विभाग, अर्थ मंत्रालय, हिंदुस्थान सरकार आणि आशिया इफ्रास्ट्रक्चर इनव्हेस्टमेंट बँक (एआयआयबी) यांच्यातर्फे मुंबईत २५ आणि २६ जूनला आशिया इफ्रास्ट्रक्चर इन्व्हेस्टमेंट बँक (एआयआयबी)ची वार्षिक सर्वसाधारण बैठक होणार आहे. बैठकीत ‘पायाभूत सुविधांसाठी अर्थनिधी : नावीन्य आणि सहकार्य’ या विषयावर मान्यवर आपले विचार मांडणार आहेत. २६ जूनला पंतप्रधान नरेंद्र मोदी यांच्या हस्ते या बैठकीचे उद्घाटन होणार आहे. यावेळी केंद्रीय अर्थमंत्री पीयूष गोयल, अर्थसचिव सुभाषचंद्र गोयल उपस्थित राहणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
