मुंबई | पश्चिम बंगालमध्ये अम्फन चक्रीवादळाचा मोठा फटका बसला आहे. त्यामुळे पश्चिम बंगालमध्ये ७२ जणांचा मृत्यू झाल्याची माहिती खुद्द मुख्यमंत्री ममता बनर्जी यांनी काल (२१ मे) पत्रकार परिषदेतून दिली. अम्फन चक्रीवादळामुळे पश्चिम बंगालचे खूप नुकसान झाले असून पंतप्रधान नरेंद्र मोदी यांनी स्वत: येऊन पाहणी करावी, असे आवाहन मुख्यमंत्र्यांनी पत्रकार परिषदेतून केले होते. या पार्श्वभूमीवर मोदींनी ट्वीट करत आज (२२ मे) पश्चिम बंगालचा दौरा करणार आहेत.
Tomorrow, PM @narendramodi will travel to West Bengal and Odisha to take stock of the situation in the wake of Cyclone Amphan. He will conduct aerial surveys and take part in review meetings, where aspects of relief and rehabilitation will be discussed.
— PMO India (@PMOIndia) May 21, 2020
‘अम्फान चक्रीवादळामुळे पश्चिम बंगाल आणि ओडिशाच्या निर्माण झालेल्या परिस्थितीची आढावा घेण्यासाठी जाणार आहे. या काळात संपूर्ण देश पश्चिम बंगालसोबत आहे. राज्यातील परिस्थिती सुधारण्यासाठी आम्ही प्रार्थना करतो. परिस्थिती पूर्ववत करण्याचे प्रयत्न सुरू आहेत,’ असे मोदींनी ट्विटमध्ये म्हटले आहे. या वादळात आतापर्यंत ७२ जणांचा मृत्यू झाला आहे. अम्फानमुळे मृत पावलेल्या व्यक्तींच्या कुटुंबीयांना अडीच लाख रुपयांची मदत दिली जाणार असल्याचे मुख्यमंत्र्यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
