नवी दिल्ली | काँग्रेस खासदार शशी थरुर यांना दिल्लीच्या पटियाला हाऊस न्यायालयाने गुरुवारी त्यांचा जामीन मंजूर केला आहे. सुनंदा पुष्कर यांना आत्महत्येला प्रवृत्त केल्याचा आरोप थरुन त्यांच्यावर आहे. दिल्ली पोलिसांनी अटक करण्याच्या भितीने थरुन यांनी मंगळवारी न्यायालयात अटकपूर्व जामिनासाठी अर्ज केला होता.
या जामीन अर्जावर गुरुवारी (आज) सुनावणीत एक लाख रुपयांच्या वैयक्तिक जातमुचलक्यावर त्यांना जामीन मंजूर करण्यात आला आहे. न्यायालयाच्या परवानगी शिवाय देश सोडून जाण्यावर थरुन यांना मनाई केली आहे.
सुनंदा पुष्कर १७ जानेवारी २०१४ रोजी दिल्लीतील लीला पॅलेस हॉटेलच्या ३४५ क्र. खोलीत मृत अवस्थेत आढळल्या होत्या. सुनंदा पुष्कर यांचे शशी थरुन यांच्यासोबत २०१०मध्ये लग्न झाले होते. सुनंदा यांचा हा तिसरा विवाह होता. सुनंदा यांनी आत्महत्या केल्याचे दिल्ली पोलिसांनी म्हटले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
