मुंबई | दिल्लीमध्ये राष्ट्रीय स्वयंसेवक संघाचे तीन दिवसीय शिबीर पार पडले. यावेळी सरसंघचालक मोहन भागवत यांनी मोदी सरकार आणि काँग्रेस सरकारवर निशाना साधला. या दरम्यान, भागवत यांनी देशाच्या अनेक महत्त्वाच्या विषयांवर भाष्य केले.
शिबीराच्या शेवटच्या दिवशी मोहन भागवत यांनी केंद्र सरकारसह विरोधी पक्षाला उद्देशून एक प्रश्न उपस्थित केला की राजकारणात स्मशान, कब्रस्तान , भगवा आतंकवाद यांसारख्या शब्दांना कशा प्रकारे पाहिले जाते ? यावर उत्तर देताना भागवत म्हणाले, राजकारण हे लोक कल्याणासाठी व्हायला हवे .स्मशान, कब्रस्तान , भगवा आतंकवाद यांसाठी नाही.
पुढे बोलताना भागवत म्हणाले, जेव्हा राजकारणाचा मुख्य उद्देश केवळ सत्ता प्राप्ती असा होतो. तेव्हा ख-या अर्थाने विविध विषयांवर राजकीय पक्ष राजकारण करु लागतात. यावेळी महात्मा गांधी आणि लोकनायक जयप्रकाश नारायण यांचा दाखला देत भागवत म्हणाले त्यांच्यासारखे काम केले तर अशा गोष्टींना वाव मिळणार नाही. तसेच पुढे बोलताना भागवत म्हणाले, संघ कोणत्याही पक्षाचे समर्थन करत नाही.
संघाचे मुख्य उद्दिष्ट केवळ नियमांचे पालन करणे हा आहे. लोक संघाच्या धोरणांचा फायदा घेतात. बुधवारी, संघाच्या तीन दिवसीय कार्यक्रमाच्या शेवटच्या दिवशी मोहन भागवत यांनी सांगितले की संघ अनुच्छेद 370 आणि 35 ए स्वीकारत नाही. त्यांनी सांगितले की अशी व्यवस्था योग्य नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
