जोधपूर | काळवीट शिकार प्रकरणी दोषी ठरलेल्या सलमान खानला जोधपूर सत्र न्यायालनाने ५० हजार रुपयाच्या जात मुचलक्यावर जामीन मंजूर झाला आहे. या प्रकरणात सलमानला पुन्हा एकदा ७ मे ला कोर्टासमोर हजेरी लावावी लागणार आहे. तसेच देश सोडण्यापूर्वी कोर्टाची परवानगी घ्यावी लागणार आहे. या दोन अटींवर सलमानला जामीन मंजूर झाला आहे.
गेल्या २० वर्षापासून रखडलेल्या काळवीट शिकार प्रकरणी सलमान खानला गुरुवारी जोधपूर सत्र न्यायालयाने ५ वर्षाची शिक्षा आणि १० हजारांचा दंडाची शिक्षा सुनावली आहे. या प्रकरणात सैफ आली खान, नीलम, तब्बू आणि सोनाली बेंद्रे यांना कोर्टाने निर्दोष मुक्तता केली आहे. शिक्षा सुनावल्यानंतर सलमानने दोन रात्री जोधपूर मध्यवर्ती कारागृहातमध्ये काढल्या आहेत.
सलमानच्या चाहत्यांमध्ये आनंदाचे वातावरण आहे. तर बिष्णोई समाजाच्या वकिलांनी सलमानच्या जामीनाला विरोध केला. सलमानच्या जामीनावर तब्बल २ तास युक्तीवाद सुरू होता. त्यानंतर कोर्टाने ब्रेक घेऊन, दुपारी ३ वाजता सलमानला जामीन मंजूर केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
