दिल्ली | देशाची राजधानी असलेल्या दिल्लीजवळील गुरुग्राम येथे न्यायाधीशाची पत्नी आणि मुलावर सुरक्षारक्षकाने भर रस्त्यात गोळीबार केल्याची घटना घडली आहे. त्यानंतर त्या दोघांनाही गुरुग्राम मधील एका रुग्णालयात दाखल करण्यात आले होते. दरम्यान न्यायाधीश पत्नी असलेल्या रितु यांची प्राण ज्योत मालवली तर मुलगा ध्रुव अद्याप मृत्यूशी झुंज देत आहे. या प्रकरणात गुरुग्राम पोलिसांनी गोळी मारणारा आरोपी सुरक्षा रक्षक महिपाल याला ताब्यात घेतले आहे.
आरोपी सुरक्षारक्षक न्यायाधीश श्रीकांत यांच्या सुरक्षेसाठी गेल्या दिड वर्षांपासून कार्यरत होता. प्राप्त झालेल्या माहितीनुसार, महिपालने गोळीबार करण्यापुर्वी न्यायाधीशांच्या धाकट्या मुलाबद्दल विचारले होते. पण त्या वेळी श्रीकांत यांचा धाकटा मुलगा घरी नव्हता. आरोपीने श्रीकांत यांचा मुलगा ध्रुव याला तीन तर पत्नी रितू यांना एक गोळी मारली होती. या प्रकरणाच्या पुढील तपासाकरिता पोलिसांनी एसआयटी तयार केली आहे. या टीममध्ये डिसीपी सुलोचना गजराल यांच्या नेतृत्वात २ एसीपी आणि ४ निरीक्षक यांचा समावेश आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
