जोधपूरः येथील सर्वात मोठ्या रुग्णालयात दोन डॉक्टरांमधील वादात एका बालकाचा जीव गेला. वादाचा सर्व प्रकार मोबाइलमध्ये कैद झाला आहे.
एक महिलेला सिझरिअनद्वारे प्रसुती करण्याचा सल्ला डॉक्टरांनी दिला होता. त्यानुसार महिलेला ऑपरेशन थिएटरमध्येच दाखल करण्यात आले. परंतु ऑपरेशन करण्यापूर्वी डॉक्टरांमध्ये वाद झाला. एकमेकांना शिविगाळ सुरू झाला. तिकडे गर्भवती महिलेला प्रसूती वेदना सुरू झाल्या होत्या. परंतु दोघा डॉक्टरांमधील वादामुळे महिलेकडे कुणाही लक्ष दिले नाही. भूल ज्युनिअर डॉक्टराने द्यायची की सिनिअरने याचा वाद रंगला. अखेर तू-तू मै-मै करत या डॉक्टरांनी कसेबसे सिझर केले. बाळा जन्माला आले देखील परंतु ऑपरेशन करण्यात दिरंगाई झाल्याने बाळाचा गर्भातच मृत्यू झाला. या घटनेची बाहेर वाच्यता झाली नाही. परंतु डॉक्टरांमधील वादाचा व्हिडीओ व्हायरल झाल्यानंतर ऑपरेशन थिएटरमधील गलथान प्रकार पाहून सर्वांनाच धक्का बसला आहे. संबंधित डॉक्टरांवर तत्काळ गुन्हा दाखल करून त्यांच्यावर कठोर कारवाई करण्याची मागणी आता पुढे येऊ लागली आहे. डॉक्टरांना वाद घालण्याऐवजी वेळीत ऑपरेशन केले असते तर त्या बाळाचा जीव वाचला असता, अशी प्रतिक्रीया व्यक्त होत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
