कराची | माजी क्रिकेटर इम्रान खान यांच्या पाकिस्तान तेहरिक-ए-इन्साफ (पीटीआय) पक्षाला ३३ आरक्षित जागा मिळाल्या आहेत. या आरक्षित जागांमुळे इम्रान खान यांच्या पीटीआयचे संख्याबळ १५८ पर्यंत पोहोचले आहे. परंतु बहुमतासाठी अजून १४ जागांची आवश्यकता आहे.
इम्रान खान हे १८ ऑगस्टला पंतप्रधान पदाची शपथ घेणार आहे. पीटीआयला मिळालेल्या एकूण ३३ आरक्षित जागांपैकी २८ महिलांना, तर ५ बिगर मुस्लीमांना मिळालेल्या आहेत. यानंतर पीटीआयचे संख्याबळ १५८पर्यंत येऊन पोहोचले आहे. तर इम्रान खान स्वत: पाच जागांवरून निवडून आले आहेत. या पाच जागांपैकी चार चागा त्यांना खाली कराव्या लागणार आहेत.
माजी पंतप्रधान मंत्री नवाझ शरीफ यांच्या पाकिस्तान मुस्लीम लीग पक्षाला १५ जागा मिळाल्या आहेत. त्याच्या पक्षाचे संख्याबळ ८२पर्यंत येऊन पोहोचले आहे. पाकिस्तानमध्ये २५ जुलैला २७० जागांसाठी मतदान झाले. या निवडणुकीत इम्रान खान यांच्या तेहरिक-ए-इन्साफ पक्षाला सर्वाधिक ११६ जागा मिळाल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
