नवी दिल्ली | पाकिस्तानमध्ये भारतीय उच्चायुक्त अजय बिसारिया यांना शनिवारी पाकिस्तानच्या सरकारने रावळपिंडीजवळील गुरुद्वारामध्ये प्रवेश देण्यास नकार दिला. अजय बिसारिया हे पाकिस्तानमधील भारतीय उच्चायुक्त आहेत. या प्रकरणानंतर भारत सरकारने तीव्र संताप व्यक्त केला असल्याची माहिती प्राप्त झाली आहे.
अजय बिसारिया हे आपल्या पत्नीसह रावळपिंडीनजीक असलेल्या हसन अब्दल येथील पंजा साहिब गुरुद्वारा येथे जात होते त्यावेळी त्यांना अडविण्यात आले. गुरुद्वारामध्ये जाण्यासाठी सर्व आवश्यक परवानग्या देखील त्यांनी घेतल्या होत्या. तरीही त्यांना या ठिकाणी ऐनवेळी प्रवेश नाकारण्यात आल्यामुळे इस्लामाबादला माघारी फिरावे लागले.
सदर प्रकरणानंतर पाकिस्तानच्या या कृत्याचा भारताकडून निषेध व्यक्त केला जात आहे. भारताने हा मुद्दा पाकिस्तानी परराष्ट्र मंत्रालयाकडे उपस्थित केला असल्याने या कृतीच्या माध्यमातून पाकिस्तानचा उद्दामपणा पुन्हा एकदा जगासमोर आला आहे. मागच्या दोन महिन्यातील अजय बिसारिया यांना गुरद्वारामध्ये प्रवेश नाकारल्याची ही दुसरी घटना आहे. अजय बिसारिया गुरुद्वारामध्ये शिख भाविकांची भेट घेण्यासाठी जात असल्याची माहीती समोर आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
