श्रीनगर | काश्मीर खो-यातील तरुणांचे दहशतवादी संघटनांमध्ये सामील होण्याचे प्रमाण गेल्या काही दिवसात वाढले आहे. डोडा जिल्ह्यातील आबिद भट नावाचा तरुणही दहशतवाद्यांना मिळाल्याचा संशय व्यक्त केला जात आहे. आबिद गेल्या काही दिवसांपासून गायब आहे आणि तो दहशवादी संघटनेत गेला असल्याची माहिती पोलिसांना सोशल मीडियावरुन मिळाली आहे.
जम्मू कश्मीरमध्ये आयपीएस अधिका-याचा भाऊ दहशवादी बनला आहे. शमसुल हक मेंगनू असे या आयपीएस अधिका-याचा भावाचं नाव आहे. शमसुल दहशतवादी संघटना हिजबुल मुजाहिद्दीनमध्ये गेल्याचा दावा केला जात आहे. शमसुल 22 मेपासून श्रीनगर विद्यापीठातून गायब झाला होता. कुटुंबाने त्याचा शोध घेण्याचा बराच प्रयत्न केला. रविवारी बुऱ्हाण वाणीच्या मृत्यू दिवसानिमित्त हिजबुलने आपल्या नव्या साथीदारांची यादी आणि फोटो जारी केले. त्या यादीत शमसुलचा समावेश आहे.
शमसुल मूळचा शोपियन भागातील द्रगुड गावचा रहिवाशी आहे. तो काश्मीर विद्यापीठात उनानी मेडिसिनचा अभ्यासक्रम शिकत होता. पोलिसांकडून याबाबत शोध घेतला जात आहे. मात्र एक भाऊ देशसेवा करत असताना दुसरा भाऊ देशद्रोही बनल्याने अनेकांना धक्का बसला आहे. शमसुल 2012चे आयपीएस अधिकारी इनामुल हक यांचा भाऊ आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
