मुंबई | मालेगाव बॉम्बस्फोट प्रकरणातील आरोपी कर्नल पुरोहित यांनी कनिष्ठ न्यायालयाकडून आरोप निश्चितीला स्थगिती देण्याची मागणी उच्च न्यायालयाकडे केली होती. परंतु उच्च न्यायालयाने ही मागणी पूर्णतः फेटाळून लावली आहे. या आरोप निश्चितीच्या प्रक्रियेला 5 सप्टेंबरपासून (बुधवार) सुरुवात होणार आहे.
2008 साली झालेला मालेगाव बॉम्बस्फोट हा अभिनव भारत या हिंदुत्त्ववादी संघटनेने घडवून आणला होता असे तपासातून उघड झाले. या हिंदुत्त्ववादी संघटनेशी संबंधित कर्नल पुरोहित, साध्वी प्रज्ञा आणि एकूण 11 जणांना याप्रकरणी अटक करण्यात आली होती. बुधवारी सुरू होणाऱ्या आरोप निश्चिती प्रक्रियेला स्थगिती मिळावी अशी मागणी करणारी याचिका कर्नल पुरोहित यांनी न्यायालयात केली होती.
त्याचप्रमाणे मालेगाव बॉम्बस्फोट प्रकणाच्या तापसाबाबत एसआयटीमार्फत चौकशी करण्यात यावी अशी मागणी देखील करणात आली होती. मात्र याचिकेवर सुनावणी देण्यास न्या. रंजन गोगोई यांच्या अध्यक्षतेखालील खंडपीठाने नकार दिला आहे. ही याचिका सत्र न्यायालयातच दाखल करण्यात यावी असे यावेळी न्यायालयाकडून सांगण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
