नवी दिल्ली | अमेरिकेचे राष्ट्राध्यक्ष डोनाल्ड ट्रम्प यांनी प्रजासत्ताक दिनाला भारतात येण्यास नकार दिला आहे. डोनाल्ड ट्रम्प हे भारताच्या प्रजासत्ताक दिनादिवशी प्रमुख अतिथी म्हणून हजर राहणार होते. परंतु आता अमेरिकेच्या अधिकाऱ्यांनी भारताचे राष्ट्रीय सुरक्षा सल्लागार अजित डोवाल यांना पत्र लिहून ट्रम्प भारतात येणार नसल्याचे कळविले आहे. भारताने रशियाकडून एक-४०० मिसाईल खरेदी केल्यामुळे तसेच इराणकडून तेलाची आयात केल्याने डोनाल्ड ट्रम्प नाराज झाल्याचे म्हटले जात आहे.
भारताने रशियाकडून एस-४०० मिसाईल खरेदी करण्यास अमेरिकेचा संपूर्ण विरोध होता. तसेच भारताने अमेरिकेची एफ-१६ विमाने खरेदी करावीत असे अमेरिकेकडून भारताला सांगण्यात आले होते. परंतु, अमेरिकेच्या विरोधाला न जुमानता भारताने नुकतीच रशियाकडून एस-४०० मिसाईल खरेदी केली आहेत. त्यामुळे अमेरिकेचे राष्ट्राध्यक्ष डोनाल्ड ट्रम्प भारतावर नाराज असल्याचे म्हटले जात आहे.
अमेरिकेतील काही राजकीय कार्यक्रमांचे कारण देत डोनाल्ड ट्रम्प यांनी भारतात येणे टाळले असून त्याबद्दल त्यांनी खेद देखील व्यक्त केला आहे. डोनाल्ड ट्रम्प यांनी भारतात येण्यास दिलेल्या नकाराचा सर्वाधिक फटका पंतप्रधान मोदींना बसणार असल्याचे म्हटले जात आहे. दरम्यान, यामुळे भारत-अमेरिकेचे संबंध चिघळण्याची देखील शक्यता नाकारता येणार नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
