नवी दिल्ली | केंद्रीय गृहमंत्री अमित शाह कोरोनामुक्त झाले आहेत. थोड्याच वेळापूर्वी अमित शाह यांनी स्वतः ट्विट करत याबाबतची अधिकृत माहिती दिली आहे. “आज माझा कोरोना टेस्टचा रिपोर्ट निगेटिव्ह आला आहे. मी ईश्वराचे आभार मानतो. माझ्या आरोग्यासाठी प्रार्थना करणाऱ्या, शुभेच्छा देणाऱ्या तसेच या काळात माझ्या कुटुंबियांचे मनोबल वाढविणाऱ्या प्रत्येकाचे मी मनःपूर्वक आभार मानतो”, असे ट्विट आज (१४ ऑगस्ट) अमित शाह यांनी केले आहे. त्याचप्रमाणे, डॉक्टरांच्या सल्ल्यानुसार आपण आणखी काही दिवस ‘होम आयसोलेशन’मध्ये राहणार असल्याचीही माहिती अमित शाह यांनी आपल्या ट्विटमध्ये दिली आहे.
आज मेरी कोरोना टेस्ट रिपोर्ट नेगेटिव आई है।
मैं ईश्वर का धन्यवाद करता हूँ और इस समय जिन लोगों ने मेरे स्वास्थ्यलाभ के लिए शुभकामनाएं देकर मेरा और मेरे परिजनों को ढाढस बंधाया उन सभी का ह्रदय से आभार व्यक्त करता हूँ।
डॉक्टर्स की सलाह पर अभी कुछ और दिनों तक होम आइसोलेशन में रहूँगा।— Amit Shah (@AmitShah) August 14, 2020
अमित शाह यांना ३ ॲागस्ट रोजी कोरोनाची लागण झाल्याने स्पष्ट झाले होते. त्यानंतर डॉक्टरांच्या सल्ल्यानुसार त्यांना रुग्णालयात दाखल करण्यात आले होते. अमित शाह यांनी स्वतः ट्विट करून याबाबतची माहिती दिली होती. त्याचप्रमाणे, कोरोना पॉझिटिव्ह आल्यामुळे अमित शाह अयोध्या राममंदिर भूमिपूजन सोहळ्यास देखील उपस्थित राहू शकले नाहीत. मात्र, आता अमित शाह कोरोनामुक्त झाले असून डॉक्टरांच्या सल्ल्यानुसार काही दिवस ते ‘होम आयसोलेशन’मध्ये राहणार आहेत.
काहीच दिवसांपूर्वी अमित शहा यांच्या कोरोना रिपोर्टबद्दल संभ्रम निर्माण झाला होता
अमित शहा यांच्या कोरोना रिपोर्टबद्दल काही दिवसांपूर्वी मात्र मोठा संभ्रम निर्माण झाला होता. भाजप खासदार मनोज तिवारी यांनी ९ ऑगस्ट रोजी ट्विट करून अमित शाहांचा कोरोनाचा रिपोर्ट निगेटिव्ह आल्याची माहिती दिली होती. मात्र, त्यानंतर मनोज तिवारी यांनी आपले ट्विट डिलीट केले होते. त्याचप्रमाणे, त्यानंतर तातडीने केंद्रीय गृहमंत्रालयाकडून असे स्पष्टीकरण देण्यात आले होते कि, “अद्याप अमित शहांची कोरोना चाचणीच केलेली नाही”.
#COVID19 test of Home Minister Amit Shah has not been conducted so far: Ministry of Home Affairs (MHA) Official https://t.co/8UaeUtNgBp
— ANI (@ANI) August 9, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
