जपान | जगातील सर्वात वृद्ध महिला असलेल्या नबी ताजीमा यांचे शनिवारी रात्री ८ च्या दरम्यान निधन झाले. दक्षिण जपान मध्ये रहाणा-या नबी ताजीमा मृत्यू समयी ११७ वर्षांच्या होत्या. ताजीमा यांनी किकाईजिमा च्या एका रुग्णालयात शनिवारी शेवटचा श्वास घेतला. किकाई मधील एका अधिका-याने दिलेल्या माहिती नुसार शनिवारी ८ च्या दरम्यान त्यांचे निधन झाले. त्या जानेवारी २०१८ पासून रुग्णालयात उपचार घेत होत्या. त्या तब्बल ११७ वर्षे २८० दिवस जगल्या. त्यांच्या दिर्घाआयुष्याचे रहस्य सांगताना स्वादिष्ट खाद्यपदार्थ आणि पूर्णवेळ झोप हे कारण असल्याचे त्या सर्वांना सांगत असत.
ताजीमा यांच्या जन्म ४ ऑगस्ट १९०० मध्ये झाला होता. त्यामुळे त्या जगातल्या अनेक घडामोडींच्या साक्षिदार होत्या. त्याच बरोबर तंत्रज्ञात होत गेलेली क्रांती देखील त्यांनी अनुभवली. ताजीमा जेव्हा ४५ वर्षांच्या होत्या तेव्हा जपान मध्ये महिलांना मतदानाचा अधिकार मिळाला. प्रसिद्धी माध्यमांच्या माहीतीनुसार ताजीमा यांना 9 मुले होती. सध्या त्यांचे १६० पेक्षा जास्त वंशज आहेत. सात महिन्यापूर्वी वायलेट ब्राउन यांचे जमैका मध्ये निधन झाल्यानंतर ताजीमा यांना जगातील सर्वात वृद्ध महिला म्हणून घोषित करण्यात आले होते. वायलेट यांचे निधन देखील वयाच्या ११७ व्या वर्षी झाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
