नवी दिल्ली – एका मणिपुरी तृतीय पंथीयाचा फोटो सध्या सोशल मिडियावर गाजतोय. त्याचं कारणही तसंच आहे. कारण फोटो पाहिल्यावर हा किन्नर नसून कुणीतरी सौंदर्यवती मॉडेल आहे, असा भास होतो. या तृतीय पंथीच्या सौंदर्याला भलेभले भुलत आहेत.
मणिपूरचा रहिवासी बिशेष हुईरम हा 27 वर्षांचा किन्नर आहे. कोणत्याही मॉडेलपेक्षाही आखीव-रेखीव सौंदर्य असल्याने तो विशेष चर्चेत आला आहे. बिशेषने थायलंडमध्ये झालेल्या मिस इंटरनॅशनल क्विन ब्यूटी कॉन्टेस्टमध्ये भाग घेतला होता. तसेच अनेक मणिपूरी चित्रपटांमध्येही बिशेषने काम केले आहे. त्याचबरोबर बिशेष हुईरमने बंगळुरू विद्यापीठातून फॅशन आणि ड्रेस डिझायनिंगचा कोर्स पूर्ण केला आहे.
बिशेषच्या आई-वडिलांना आपला मुलगा किन्नर असल्याचे कळले, तेव्हा त्यांनी त्याला हाडतूड न करता साथ दिली. त्याचे वडील सरकारी नोकरीतून निवृत्त झाले आहेत. बिशेषची आई कोमदोन्बी यांनी सांगितले की, लहानपणापासून त्याला मुलींचे कपडे घालण्याची हौस होती. त्यांच्यासारखाच मेकअप करायला त्याला आवडायचे. हे पाहून त्याचे वडील आणि मी खूप नाराज व्हायचे. मात्र हळुहळु सत्य आमच्या लक्षात आले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
