नव्या व्हीडिओतून तेज बहादूरचा सवाल
नवी दिल्ली – निकृष्ट दर्जाचं जेवण मिळत असल्याची तक्रार करणारा व्हीडिओ व्हायरल झाल्याने बीएसएफ कॉन्स्टेबल तेज बहादूर यादव चर्चेत आले होते. त्यांचा नवा व्हीडिओ आता समोर आला आहे. या वेळी तेज बहादूर यांनी ‘सत्य समोर आणल्याने छळ होत असल्याचा आरोप केला असून आपण न्यायास पात्र नाही का ?’ असा सवाल थेट पंतप्रधानन नरेंद्र मोदींना केला आहे.
पंतप्रधान नरेंद्र मोदींनी भ्रष्टाचाराशी लढा देण्याचं आवाहन केलं. त्यामुळे माझ्या खात्यातला भ्रष्टाचार मी उघडकीस आणला. मग माझा छळ का केला जातोय, हा सवाल सर्वांनी माझ्यावतीने पंतप्रधान मोदींना विचारावा’, असं आवाहन तेज बहादूर यादव यांनी या व्हीडिओच्या माध्यमातून केलंय. यादव यांच्या कुटुंबाने हा व्हीडिओ शूट करुन अपलोड केल्याची माहिती आहे.
माझ्याबाबतीत पसरवल्या जात असलेल्या अफवावंर विश्वास ठेवू नका’, असंही तेज बहादूर यादव यांनी व्हीडिओत म्हटलंय. पाकिस्तानकडून तेज बहादूर यादव यांचा वापर केला जात असल्याचं बोललं जात होतं. तेज बहादूर यादव यांचे फेसबुकवर मोठ्या प्रमाणत पाकिस्तानी मित्र असल्याचंही समोर आलं होतं. हाच मुद्दा उचलून धरत अनेकांनी त्यांच्यावर टीका केली होती. यादव यांचा पहिला व्हीडिओ तब्बल 9.9 दशलक्ष लोकांनी पाहिला आणि 4.4 लाख लोकांनी शेअर केला होता. तेज बहादूर यादव यांचा फोन बीएसएफकडून पुरावा म्हणून जप्त करण्यात आल्यानंतर आणि त्यांची बदली केल्यानंतर पत्नी शर्मिला देवी यांनी दिल्ली उच्च न्यायालयात धाव घेतली होती. न्यायालयाच्या आदेशानंतर त्यांना भेटण्याची परवानगी देण्यात आली होती. नव्या व्हीडिओत आपल्या तक्रार आणि आरोपांचा अधिकाऱ्यांनी व्यवस्थित तपास केला नसल्याचंही यादव म्हणतायत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
