सचिन तेंडुलकर अखेर राज्यसभेत हजर

नवी दिल्ली(वृत्तसंस्था): क्रिकेटमधील विक्रमादित्य, भारतरत्न सचिन तेंडुलकरने गुरुवारी राज्यसभेत हजेरी लावली. प्रश्नोत्तरांच्या तासात तो काही बोलला नाही, पण त्याच्या उपस्थितीने अनेकांचे लक्ष वेधून घेतले. सचिन आणि अभिनेत्री रेखा केवळ नावापुरते राज्यसभा सदस्य असून त्यांचे सदस्यत्व रद्द करण्याची मागणी पुढे आली होती.

समाजवादी पक्षाचे नेते नरेश अग्रवाल यांनी मंगळवारीच सचिन तेंडुलकर आणि अभिनेत्री रेखा यांना लक्ष्य केलं होतं. या दोघांच्या राज्यसभेतील अनुपस्थितीकडे लक्ष वेधत, विजय मल्ल्याप्रमाणे दोघांनाही निलंबित करण्याची मागणी त्यांनी केली होती. त्यानंतर आज लगेचच सचिनने राज्यसभा गाठली. सचिनप्रमाणेच बॉक्सिंग क्वीन मेरी कोमही संसदेत उपस्थित होती. २०१२ पासून सचिन तेंडुलकर राज्यसभेचा सदस्य आहे. तेव्हापासून ३४८ दिवसांच्या कामकाजापैकी तो फक्त २३ दिवस सभागृहात हजर राहिलाय, तर रेखा फक्त १८ दिवस राज्यसभेत दिसल्यात. त्यावरून त्यांच्यावर याआधीही बºयाचदा टीका झाली आहे, परंतु त्यानंतरही त्यांच्या दांड्या कमी झालेल्या नाहीत.