राज्याचे गृहमंत्री अनिल देशमुख यांनी आज (८ ऑक्टोबर) पत्रकार परिषद घेऊन भाजपवर जोरदार टीका केली आहे. अभिनेता सुशांतसिंग राजपूतच्या आत्महत्येप्रकरणात मुंबई पोलिसांची झालेली बदनामी यावरुन अनिल देशमुखांनी भाजपवर निशाणा साधत टीका केली आहे. महाराष्ट्राची बदनामी करणाऱ्या गुप्तेश्वर पांडेंच्या प्रचाराला फडणवीस जाणार का?,असा थेट सवाल गृहमंत्री अनिल देशमुख यांनी उपस्थित केला आहे. सुशांत सिंग प्रकरणात महाराष्ट्र्र पोलिसांना बदनाम करण्याचं काम भाजपने केले. महाराष्ट्र पोलिसांचा तपास योग्य दिशेने नव्हता, असं देवेंद्र फडणवीस म्हणतात, ते फारच दुःखद आहेत. भाजपने बदनाम करणाऱ्या महाराष्ट्राच्या जनतेची माफी मागितली पाहिजे, नाही तर जनता त्यांना माफ करणार नाही, असंही राज्याचे गृहमंत्री अनिल देशमुख म्हणाले आहेत.
#AnilDeshmukh #DevendraFadnavis #Maharashtra #Mumbai #Police #BJP #SushantSinghRajput #Mahavikasaghadi
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
