मुंबई । विधानसभा निवडणुकीच्या पार्श्वभूमीवर शिवसेना-भाजपमध्ये प्रवेश करण्यासाठी मोठीच्या मोठी रांग लागली असताना, मात्र अभिनेता संजय दत्त राष्ट्रीय समाज पक्षात प्रवेश करणार असल्याची माहिती पक्षाचे अध्यक्ष मंत्री महादेव जानकर यांनी दिली आहे. मुंबईत आयोजित करण्यात आलेल्या पक्षाच्या महामेळाव्यात ते बोलत म्हणाले. या मेळाव्यासाठी राज्यभरातून रासप कार्यकर्ते पदाधिकारी आले होते.
यावेळी बोलताना जानकर म्हणाले की, अभिनेता संजय दत्त रासपमध्ये प्रवेश करणार असून २५ सप्टेंबर त्यांचा प्रवेश होणार असल्याची माहिती जानकर यांनी दिली. संजय दत्त यांच्यासारखी माणसे आम्ही कव्हर करायला लागलो आहोत. फिल्म लाईनमध्ये देखील आम्ही बांधणी केली आहे, असेही जानकर यावेळी म्हणाले. दरम्यान संजय दत्तने देखील एक व्हिडीओ करत राष्ट्रीय समाज पक्षाच्या वर्धापनदिनाच्या शुभेच्छा दिल्या आहेत. “महादेव जानकर माझे भाऊ आहेत. त्यांना माझ्या शुभेच्छा,” असे संजय दत्तने म्हटले आहे.
जानकर म्हणाले की, सरकारने धनगर समाजाला एक हजार कोटी दिले आहेत. त्याबद्दल एनडीए सरकारचे आभारी आहोत. काँग्रेस राष्ट्रवादीमध्ये ओबीसीची अवस्था कडिपत्त्यासारखी होती, असे म्हणत काँग्रेस वर टीका केली. तर दुसऱ्या बाजुला धनगर समाजच्या आरक्षणाचे ६० टक्के काम झाले आहे, ४० टक्के बाकी आहे, असेही ते यावेळी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
