मोदी सरकारच्या नोटाबंदी-जीएसटीमुळे देशात आर्थिक मंदी !

नवी दिल्ली | देशाची घसरती अर्थव्यवस्थेवर माजी पंतप्रधान डॉ. मनमोहन सिंह यांनी पंतप्रधान नरेंद्र मोदी सरकारवर टीका केली आहे. देशातील आर्थिक मंदीसाठी सरकार जबाबदार असल्याचा आरोप सिंह यांनी केला आहे. सरकारवर निशाणा साधत मनमोहन सिंग म्हणाले की, “गेल्या तिमाहीत जीडीपी विकास दर ५ टक्के होता. देश सर्वात मोठ्या स्लोडाऊनमधून जात आहे. नोटाबंदी आणि जीएसटीमुळे देशात आर्थिक मंदी आली असून उत्पादन क्षेत्राचा विकास अवघा ०.६ टक्के आहे.”

Former Prime Minister Manmohan Singh: It is particularly distressing that the manufacturing sector's growth is tottering at 0.6%. This makes it very clear that our economy has not yet recovered from the man-made blunders of demonetisation and a hastily implemented GST. https://t.co/h7Ycbwa20M

— ANI (@ANI) September 1, 2019

मनमोहन सिंग यांनी पुढे म्हणाले, ‘देशांतर्गत मागणी आणि वापराचे प्रमाण १८ महिन्यांतील सर्वाधिक कमी आहे. जीडीपीचे प्रमाण १५ वर्षांतील सर्वात कमी आहे. कर महसूल कमी असून लहान व्यापाऱ्यापासून मोठ्या उद्योगपतींपर्यंत सर्वांना ‘कर दहशतवादाची’ धास्ती सतावते आहे. गुंतवणुकदारांमध्ये साशंकतेची परिस्थिती आहे. देशाची अर्थव्यवस्था सध्या ज्या अवस्थ सापडली आहे. त्यांनी बाहेर येण्याची शक्यता आता नाही.’

Our economy has not recovered from the man made blunders of demonetisation & a hastily implemented GST… I urge the govt to put aside vendetta politics & reach out to all sane voices to steer our economy out of this crisis: Former PM Dr Manmohan Singh #DrSinghOnEconomicCrisis pic.twitter.com/83cBJWHay9

— Congress (@INCIndia) September 1, 2019

दरम्यान ऑटोमोबाइल क्षेत्रात साडेतीन लाख नोकऱ्या गेल्या आहेत. याव्यतिरिक्त असंघटित क्षेत्रातही मोठ्या प्रमाणावर नोकरकपात झाली आहे. यामुळे मजुरांसमोर रोजच्या उपजिवीकेचे संकट उभे राहिले असल्याचे सिंह म्हणाले. ग्रामीण भागातही परिस्थिती वाईट आहे. शेतकऱ्यांना त्यांच्या पिकांचा योग्य भाव मिळत नाहीए आणि उत्पन्नात सतत घसरण होत आहे. असे सिंग म्हणाले आहेत.