निवडणूक आयोगाने अमित शहांच्या इशाऱ्यावर प्रचारबंदी लागू केली !

नवी दिल्ली | “भाजप पश्चिम बंगालला आपल्या इशाऱ्यावर चालवू शकत नाही. पश्चिम बंगाल म्हणजे बिहार किंवा काश्मीर नाही. येथे भाजपमुळे आणीबाणीसारखी परिस्थिती निर्माण झाली आहे. निवडणूक आयोगाने अमित शहांच्या इशाऱ्यावर पश्चिम बंगालमध्ये १७ मे ऐवजी १६ मेपासूनच प्रचारबंदी लागू करण्याचा निर्णय घेतला आहे”, असा गंभीर आरोप पश्चिम बंगालच्या मुख्यमंत्री ममता बॅनर्जी यांनी केला आहे. पश्चिम बंगालमध्ये उद्यापासूनच (१६ मे) प्रचारबंदी लागू करण्याच्या केंद्रीय निवडणूक आयोगाच्या निर्णयाच्या पार्श्वभूमीवर ममता यांनी बुधवारी (१५ मे) पत्रकार परिषद घेत भाजपसह निवडणूक आयोगावर निशाणा साधला आहे.

West Bengal Chief Minister Mamata Banerjee in Kolkata: Amit Shah created violence through his meeting, Ishwar Chandra Vidyasagar statue was vandalized but Modi did not feel sorry for that today. People of Bengal have taken this seriously, action should be taken against Amit Shah. pic.twitter.com/TeCvZReSpT

— ANI (@ANI) May 15, 2019

लोकसभा निवडणुकीच्या अंतिम टप्प्यात निवडणुकच्या प्रचारादरम्यान पश्चिम बंगालमध्ये भाजप आणि तृणमूल काँग्रेसम संघर्षाने अत्यंत हिंसक वळण घेतले. त्यामुळेच पश्चिम बंगालमध्ये लोकसभा निवडणुकीसाठीचा प्रचार कालावधी संपण्याच्या एक दिवस आधीच निवडणूक आयोगाकडून आचारसंहिता लागू करण्यात आली आहे. पश्चिम बंगालमध्ये शुक्रवारी (१७ मे) रोजीऐवजी गुरुवारी (१६ मे) रात्री १० नंतरपासून कोणत्याही पक्षाला प्रचार करण्यास बंदी घालण्यात आली आहे.

“अमित शहा आणि नरेंद्र मोदी मला घाबरू लागले आहेत. हा संपूर्ण कट आताचे भाजप नेते आणि माजी तृणमूल काँग्रेस नेते मुकुल रॉय यांनी रचला आहे. केंद्रीय सुरक्षा दलामुळे हा हिंसाचार झाला आहे. निवडणूक आयोगाकडून दोषींविरुद्ध कारवाई देखील केली जात नाही. तर अमित शहांकडून निवडणूक आयोगाला धमकाविले जात आहे”, असेही ममता या पत्रकार परिषदेत म्हणाल्या. निवडणूक आयोगाने अमित शहांना नोटीस दिली आहे का ? असा सवालही ममता यांनी यावेळी केला आहे.