नवी दिल्ली | भारतीय जनता पक्षाचे अध्यक्ष अमित शहा यांचा अध्यक्षपदाचा कार्यकाळ ‘मिशन २०१९’साठी वाढविण्यात आला आहे. नवी दिल्लीत पार पडलेल्या भाजपच्या राष्ट्रीय कार्यकारिणीच्या बैठकीत हा निर्णय घेण्यात आला. यामुळे आगामी लोकसभा निवडणूक अमित शहा यांच्या नेतृत्त्वाखालीच लढली जाईल हे स्पष्ट झाले आहे. जानेवारी २०१९मध्ये शहा यांचा कार्यकाळ संपणार होता. लोकसभा निवडणुकीनंतरच भाजपच्या संघटनात्मक निवडणुका घेतल्या जातील, अशी माहिती सूत्रांनी दिली.
तेलंगणामधील निवडणूक प्रचाराची पहिली सभा अमित शहा यांचीच मेहबूबनगर येथे होणार आहे. पाच राज्यांतील विधानसभा निवडणुकीच्या पार्श्वभूमीवर आजपासून दोन दिवस भाजपा पक्ष कार्यकारिणीची बैठक सुरू झाली आहे. या बैठकीला उद्या रविवारी पंतप्रधान नरेेंद्र मोेदी संबोधित करणार आहेत. आज अमित शहा यांनी आगामी लोकसभा निवडणुकीत भाजपाला २०१४ पेक्षा अधिक जागा मिळतील, असा विश्वास व्यक्त केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
