मुंबई | आगामी लोकसभा निवडणुका जसजशा जवळ येत आहेत तसतसे देशातील राजकीय वातावरण तापत आहे. देशातील राजकीय पक्षांकडून एकमेकांवर निशाणा साधला जात आहे. याच पार्श्वभूमीवर मुंबई भाजपचे अध्यक्ष आशिष शेलार यांनी मनसे अध्यक्ष राज ठाकरे यांच्यावर बोचरी टीका केली आहे. “सोडून गेले नगरसेवक…सोडून गेले आमदार…एकटे एकटे वाटले म्‍हणून स्‍वतःच्‍या काकांच्या नाही..जाणत्‍या राजाला गाठले..पाठीवर हात ठेऊन..नव्या भाषणाची स्क्रिप्ट हातात देऊन.. बारामतीच्‍या काकांनी “फक्त लढ” असे म्‍हटले.!! एवढचं नाही तर “शिवाजीपार्कच्‍या बाभळीला बारामतीची बोरे”, असा टोला आशिष शेलार यांनी ट्विट करून राज ठाकरे यांना लगावला आहे.
सोडून गेले नगरसेवक…सोडून गेले आमदार…एकटे एकटे वाटले म्‍हणून स्‍वतःच्‍या काकांच्या नाही..जाणत्‍या राजाला गाठले..पाठीवर हात ठेऊन..नव्या भाषणाची स्क्रिप्ट हातात देऊन.. बारामतीच्‍या काकांनी "फक्त लढ" असे म्‍हटले.!!
"शिवाजीपार्कच्‍या बाभळीला बारामतीची बोरे"#ChokidarकेSideEffects— Adv. Ashish Shelar – ॲड. आशिष शेलार (@ShelarAshish) March 28, 2019
गेल्या काही काळात मनसे आणि राष्ट्रवादी काँग्रेसच्या वाढलेल्या जवळीकीमुळे राजकीय वर्तुळात चर्चांना उधाण आले होते. आगामी निवडणुकांसाठी राज ठाकरे राष्ट्रवादीसोबत जाणार अशी जोरदार चर्चा होती. राज ठाकरे आणि राष्ट्रवादीचे अध्यक्ष शरद पवार यांच्यात होणाऱ्या बैठकांमुळे ही शक्यता दाट होत होती. या पार्श्वभूमीवर मुख्यमंत्री देवेंद्र फडणवीस यांनी देखील राज ठाकरेंना टोला लगावला होता. राज ठाकरे यांची स्क्रिप्ट बारामतीहून तयार होऊन येते, अशी टीका मुख्यमंत्र्यांनी केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
