पुणे | भीमा-कोरेगावच्या रणसंग्रामात मिळालेल्या विजयाच्या निमित्ताने भीमा-कोरेगाव येथे १ जानेवारी रोजी विजय दिवस साजरा केला जातो. या दिवसासाठीच्या तयारीला आता प्रशासनाकडून सुरुवात झाली आहे. या दिवशी विजयस्तंभाला अभिवादन करण्यासाठी लोकांची मोठ्या प्रमाणावर गर्दी होते. हे लक्षात घेऊन लोकांची गैरसोय होऊ नये म्हणून जिल्हा प्रशासनाकडून पिण्याचे पाणी, वाहतूक, स्वच्छतागृह इत्यादींची सुविधा करण्यात आली आहे. त्याचप्रमाणे येथील गर्दीचे नियोजन करण्यासाठी बॅरीकेट्ससह सीसीटीव्ही आणि ड्रोन कॅमेऱ्याचा देखील वापर करण्यात येणार आहे. त्याचप्रमाणे २५ हूनही अधिक रुग्णवाहिकांची सोय करण्यात येणार आहे. मागील वर्षी झालेल्या हिंसाचाराच्या पार्श्वभूमीवर ही दक्षता घेण्यात आहे.
कोरेगाव भीमा येथील विजय दिवसाला राज्यभरातून येणाऱ्या नागरिकांच्या सोयीसाठी जिल्हाधिकारी नवल किशोर राम यांनी बैठक बोलावली होती. येणाऱ्या नागरिकांना पिण्याचे पाणी, वाहतूक व्यवस्था आणि स्वच्छतागृहांचे योग्य नियोजन करण्याची सूचना जिल्हाधिकारी नवल किशोर राम यांनी दिली आहे. त्याचप्रमाणे स्टॉलवरील अन्नपदार्थ हे भेसळयुक्त नसतील याची काळजी घेण्याचे देखील आदेश देण्यात आले आहेत. यावेळी कोणताही अनुचित प्रकार घडू नये यासाठी पोलिसांकडून सोशल मिडीयावर लक्ष ठेवण्यात येणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
