नवी दिल्ली | भाजपने २७ डिसेंबर रोजी लोकसभेत उपस्थित राहण्यासाठी पक्षाच्या खासदारांना तीन ओळींचा व्हीप जारी केला आहे. २७ डिसेंबर रोजी (गुरुवारी) लोकसभेत तिहेरी तलाक विधेयकावर चर्चा होणार आहे. या चर्चेसाठी खासदारांनी सभागृहात उपस्थित राहावे म्हणून भाजपकडून सर्व खासदारांना व्हीप जारी करण्यात आला आहे. मुस्लिम महिलांच्या अधिकारांचे रक्षण करणे हा या विधेयकाचा उद्देश आहे.
Three line whip has been issued to BJP Lok Sabha MPs to be present in the House throughout the day on 27 December.
— ANI (@ANI) December 25, 2018
यापूर्वी देखील मुस्लिम महिला विवाह अधिकार संरक्षण २०१७(तीन तलाक) विधेयकाला लोकसभेत मंजुरी मिळाली होती. मात्र राज्यसभेत या विधेयकाला मंजुरी मिळू शकली नाही. त्यानंतर गेल्या आठवड्यात या विधेयकात सुधारणा करून ते पुन्हा लोकसभेत मांडण्यात आले होते. या विधेयकावर २७ डिसेंबर रोजी चर्चा होणार आहे. त्यासाठी भाजप खासदारांना सभागृहात उपस्थित रहावे लागणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
