नवी दिल्ली । पश्चिम बंगालमध्ये दिव्यांगांसाठी एक शिबिर आयोजित करण्यात आले होते. या कार्यक्रमात भाजपच्या बाबुल सुप्रीयो यांनी क्षुल्लक कारणावरून एका व्यक्तीला चक्क पाय तोडण्याची धमकी दिली आहे. दिव्यांगांच्या कार्यक्रमात अशा प्रकारचे वक्तव्य करून सुप्रीयो यांनी स्वतःवर वाद ओढवून घेतला आहे.
आसनसोल येथे दिव्यांग व्यक्तींसाठी अत्यावश्यक असलेल्या साहित्य वाटपासाठी एक शिबिर आयोजित करण्यात आले होते. या कार्यक्रमातील व्यक्तींपैकी एक व्यक्ती सतत हालचाल करत होता. त्याच्या सततच्या हालचालींमुळे चिडून बाबुल सुप्रियो यांनी भर कार्यक्रमात त्या व्यक्तीला चक्क पाय तोडण्याची धमकी दिली आहे.
सध्या सर्वच राजकीय पक्षांमध्ये बेताल वक्तव्ये करून जनतेचा रोष ओढवून घेण्यासाठी चढाओढ लागल्याचे चित्र दिसत आहे. आता पुन्हा एकदा भाजपच्या बाबुल सुप्रीयो यांनी दिव्यांगांच्या कार्यक्रमात जाऊन अत्यंत वादग्रस्त असे विधान केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
