HW Marathi
राजकारण

राफेलवर झालेल्या स्वार्थी राजकारणामुळे देशाचे मोठे नुकसान, पंतप्रधान मोदींची टीका

नवी दिल्ली | “राफेल करारावर झालेल्या स्वार्थी राजकारणामुळे देशाचे मोठे नुकसान झाले आहे. त्यामुळे आज देशाला राफेलची कमतरता जाणवते आहे”, असे विधान पंतप्रधान नरेंद्र मोदी यांनी केले आहे. पंतप्रधान नरेंद्र मोदी ‘इंडिया टुडे कॉन्क्लेव्ह २०१९’मध्ये बोलत होते. “आज आपल्याकडे राफेल विमाने असती तर पाकिस्तानचे काय झाले असते असे प्रश्न मला जनतेकडून विचारले जात आहेत. तुम्ही मला विरोध करा, परंतु या मोदी विरोधाचा फायदा मसूद अझहर आणि हाफिज सईदसारख्या दहशतवाद्यांना होऊ देऊ नका”, असे म्हणत पंतप्रधान मोदींनी विरोधकांवर निशाणा साधला आहे.

“आज संपूर्ण देश भारतीय लष्करासोबत खंबीरपणे उभा असताना विरोधक मात्र भारतीय लष्कराच्या सामर्थ्यावर शंका उपस्थित करत आहेत. तुम्हाला लष्कराच्या सामर्थ्यावर शंका आहे की विश्वास आहे ? या प्रश्नाचे त्यांनी मला उत्तर द्यावे. तुम्ही मोदी विरोध करा परंतु देशाच्या सुरक्षेविषयीच्या, देशहितासाठी केल्या जाणाऱ्या गोष्टींना विरोध करू नका”, असे पंतप्रधान मोदी यांनी यावेळी म्हटले आहे. विरोधकांकडून विशेषतः काँग्रेसकडून गेले कित्येक महिने पंतप्रधान मोदी आणि मोदी सरकारवर राफेल करारावरून मोठ्या प्रमाणावर टीका होत आहे. विरोधकांनी राफेल कराराचे अशा प्रकारे स्वार्थी राजकारण केल्यानेच आज देशाचे मोठे नुकसान झाले आहे, असे पंतप्रधान मोदींनी यावेळी म्हटले आहे.

Related posts

राहुल गांधींना दिली निपाह व्हायरसची उपमा

News Desk

चहाचा रिकामा कप देणाऱ्याच्या हातात देशाची सत्ता, मागासवर्गीय असणे अभिशाप

News Desk

काँग्रेस प्रवक्त्या प्रियंका चतुर्वेदीला ट्विटरवरून धमकी

News Desk