घाबरु नका मी, काय छोले भटूरे खाणार नाही | मुख्यमंत्री

मुंबई | ‘मला आता नांदेडला जावे लागत आहे. परंतु तुम्ही घाबरु नका मी रस्त्यात इतरांसारखे छोले भटूरे खाणार नाही.’ असा टोला महाराष्ट्राचे मुख्यमंत्री देवेंद्र फडणवीस यांनी काँग्रेसला लगावला. मुंबईतील विलेपार्ले येथे उपोषणासाठी उपस्थित असलेल्या लोकांना संबोधित करताना ते बोलत होते. त्याच बरोबर चर्चा न करता विरोधक संसदेत गोंधळ घालतात विरोधकांचे हात अन्यायाने बरबटले आहेत असा आरोप ही यावेळी फडणवीस यांनी विरोधकांवर केला.

याला निषेध म्हणून पंतप्रधान नरेंद्र मोदी यांच्या एकदिवसीय उपोषणातून विरोध दर्शविला आहे. या उपोषणाला पाठिंबा देण्यासाठी महाराष्ट्राचे मुख्यमंत्री देवेंद्र फडणवीस यांच्यासह भाजपचे मुंबई अध्यक्ष आषिश शेलार, खासदार पूनम महाजन आणि स्थानिक आमदार पराग अळवणी हे देखील मुंबईच्या विले पार्ले येथे गुरुवारी उपोषणाला बसले होते.