HW News Marathi
राजकारण

दिल्लीचे माजी मुख्यमंत्री मदनलाल खुराना यांचे निधन

नवी दिल्ली | दिल्लीचे माजी मुख्यमंत्री आणि भाजपचे ज्येष्ठ नेते मदनलाल खुराना यांचे शनिवारी मध्यरात्री राहत्या घरी निधन झाले. खुराना ८२ वर्षाचे होते. २०११ पासून त्यांना ब्रेन स्ट्रोकचा त्रास होत होता. ब्रेन स्ट्रोकमुळे ते कोमामध्ये होते. दिल्लीच्या सर गंगाराम रुग्णालयात त्यांच्यावर उपचार सुरू होते. खुराना यांच्या मुलगा हरिश खुराना यांनी ट्विट करून त्यांच्य निधनाची माहिती दिली. खुराणा यांच्या मुलाचे मागील महिन्यात निधन झाले होते. खुराना हे १९९३ ते १९९६ या काळात दिल्लीचे मुख्यमंत्री राहिले होते. माजी पंतप्रधान अटलबिहारी वाजपेयी यांच्या काळात खुराना संसदीय कार्यमंत्री आणि पर्यटन मंत्रीही राहिले होते. दिल्लीमधून ते चारवेळा संसदेवर निवडून गेले होते.

खुराना यांच्या निधनाची माहिती मिळताच पंतप्रधान नरेंद्र मोदी यांनी ट्विट करून पंतप्रधान नरेंद्र मोदींनी वाहिली श्रद्धांजली. तसेच भाजपचे राष्ट्रीय अध्यक्ष अमित शहा आणि भाजपच्या नेत्यांनी त्यांना श्रद्धांजली ट्विट करून श्रद्धांजली वाहिली.

मदनलाल खुराना यांचा अल्प परिचय

खुराना यांचा जन्म १५ ऑक्टोबरला पाकिस्तानच्या पंजाबमधील लयालपूर फैलसाबादमध्ये झाला होता. भारत-पाकिस्तान फाळणीनंतर लयालपूर पाकिस्तानचा भाग झाला आणि फैसलाबाद असे त्याचे नामकरण झाले. खुराणा १२ वर्षाचे असताना त्यांचे कुंटुबीय दिल्लीत आले. राष्ट्रीय स्वयंसेवक संघातून भाजपात आलेल्या खुराणा यांनी राजस्थानच्या राज्यपाल पदाची धुरा देखील सांभाळली होती. मदनलाल खुराणा १९९३ ते १९९६ या काळात दिल्लीचे मुख्यमंत्री होते. अटलबिहारी वाजपेयी यांच्या काळात ते केंद्रीय मंत्री होते. प्रदीर्घ राजकीय कारकीर्द लाभलेल्या खुराना यांना २००१ मध्ये राजस्थानच्या राज्यपालपदी नेमण्यात आले. ते भाजपचे राष्ट्रीय उपाध्यक्षही होते.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

नाव छत्रपतींचे, काम अफजलखानाचे

News Desk

आता शिवसेनेचे खासदार विरोधी बाकांवर बसणार !

News Desk

सुशीलकुमार शिंदेंच्या डोक्यातील चिपची मेमरी फार कमी आहे !

News Desk